भास्कर-१

भास्कर-१:(इ.स.चो ११वो शेंकडो)

एक वेदांताचार्य हाणें ब्रह्मसूत्रांचेर बाश्य बरयलां.त्या भाश्याक भास्करभाश्य अशें नांव आसा.भोंवरे,बुडबुडे आनी ल्हारां ह्या रिपान उदक विंगड विंगड दिसलें तरी दर्याच्या रुपान तें एकूच आसता.तशेंच ब्रह्माचें आसा अशें भास्कराचें मत.ताचें ब्रह्माविशींचें विवेचन अशें-ब्रह्म हें सागुण,सल्लक्षण,बोधलक्षण,सत्यज्ञानानन्तलक्षण,चैलन्य,रुपांतररहीत आनी अव्दितीय.प्रलयाचे अवस्खेंत सगळे विकार ब्रह्मांत विलीन जातात.ब्रह्म हें कारणरुपांत निराकात आनी कार्यरुपांत जीवरुप आनी प्रपंचमय आसा.भोग्यशक्त आनी भोक्तॅाक्तृशक्त अशो ब्रह्माच्यो नदोन शक्ती आसात.बोग्यशक्त मऴबा सारकिल्या अचेतन जगत्रुपांत परिणत जाता.जाल्यार भोक्तृशक्त चेतन जीवरुपांत विद्यमान आसता.ब्रह्माच्यो ह्यो शक्ती पारमार्थिक आसात.

सूर्य आपल्यातल्यान किरणांचो विक्षेप करता,तेच भाशेन ब्रह्म आपल्या अनंत आनी अचिंत्य शक्तींचो विक्षेप करता.परमात्म्या विशींचो अनिराग मोक्षाक कारण आसा,जाल्यार विशया विशींचो अनुराग बंधाक कारणी भूत आसा.शश्क ज्ञानान मोक्षाचो अदय जायना,पूण तो कर्मसंवलित ज्ञानान जाता.तेखातीर उपासना आनी योगाभ्यास हांचीय गरज आसता.