Father Freddy J. da Costa

विकिपीडिया कडल्यान
 
Romi
   

Fador Freddy J. da Costa (20 juli 1953 - 17 mai 2004[1]) nattkar. Sorgest Fador Freddy J. da Costa he vividh tasanche vyokti axil'le. Aplea yagnikoponnacheo soglleo zapsalokayo bore toren khadear gheunuy tem boroitale. Borem boroupi, potrokar, nattkar, xikxok, sompadok, prokaxok somazoseuk ani somazoseuk axil'le. Tancho zolm' saxttichea varkhea gamvat 20 zulai 1953 vorsa zalo. Fador Freddichi mullam tachi auy serafina ani tacho bapuy menuyl zuamv. Mullave xikop gamvchea sorkari xallent kortukoch sallgamvchea seminarit bhitor sorlo. Fuddle xikop raiturchea seminarit kele. 24 april 1976 vorsa yadnikoponnachi dikxa ghetli. Somazoxatrant amsmania videapitthant em'.E chi podvi ghetli ani hindi bhaxecho kholayen obheas kelo. Sallgamvoche seminorit baram vorsa xikxok axil'le. Thoim te hindi ani konknni vixoi xikoitale. Bhurgemponna saun tankam aplea auy bhaxecho (konknni) mog axil'lo. Vauraddeacho ixtt, rotti adi nemalleacher to neman kovita, kotha, lekh boroitalo. [1]

1983 vorsa tanne gulab he konknni masik suru kele. Aiz tem ek dorjedar masik zaun gõykarachea somvsarant tem konknni adhunik sahiteache bhanddar mhunn lokpriy zala. Fador Freddin vegvegllea konknni sahity mollacher aple yogdan dila. Dekhik- kovita, kotha, tiatr, potrokarita, songit adi. Teach borobor anik ek mhotvachi gozal mhollear nattok ho sahityoprokar legit tannim machyer khelloilo. Nattok zaka ami jinnenche poddbimb oxem mhonnttat. Somazat ghoddpi sabar tasanchea ghoddnnukenche doxon amkam Fador Freddin aplea ekanki nattkuleatlean prokxokam mukhar ubem kel'lem dixtti poddtta.

Nattkachea mollar tacho vaur[बदल]

Fador Freddin konknni nattkachea mollacher dil'le yogdan titlech moladik asa. Fador Freddin ekanki nattkuli machyer fuloili ani hea ekanki nattkantlean prekkxokank zaiti xikounn dili. Fador Freddin vott'tt 13 ekanki nattkuli boroileat dekhik 1.pri jose vas,2.xembu possorkar,3.khorelo padri,4bodol,5. xikpachem mol,6.jesuche koxtt,7.vatt ,8.khorim natalam,9.Bappa Bahrain vota ,10.Bappa montri jata,11.Bappak sort futta,13.Bappa xanno jata ,14.Bappa smuggler zata.

Fador Freddin bappa hea mallent bappa hem mukhel patr gheun panch ekanki nattkam ujvaddak haddli ani teach borobor ti machyer khelloili. Hea nattkantoli soglli sounga hindu asat. Dekhik- bappa, parvoti, sita, razu, adi. Tanchea tonddat lekhkan favo ti bhas ghatil'li polloupak melltta. Hea panchuy ekanki nattkant aiz amchea jivitancher bhes boro ujvadd ghalta. Je kam' ek uloupi va boroupi korunk xoknam tem kam' nattok korta. Nattkachea borpaulliche mhotv vhodd asa. Hamsoit hamsoit nokllot boddi marpache kam' nattok korta toxench hea ekankitlean disun yeta. Fokannam fokannamni khub kitem sangun vota. Hanchea poili bappa he patr konknni sahiteat polloupak melltta. Punn Fador Freddy hanga tem vegllea toren ubem kela.

Fador Freddichea nattkanche vixoi ani vatauronn.[बदल]

Amchea somazat ghoddpi ghoddnnukechea adaran lokank xikounni divpa khatir veglle vixoi toxich vatauronn nirmonni kel'li polloupak melltta. Tanchea’’ bappa barin votam’’hea ekanki nattkuleat aichea lokanchea jinnecher ujvadd ghatlam. Ho kall 1979 tem 1982 ten'na legit gõyat lokank mellnasoli lonk duddvak lagun bhair votalem punn hea nattkant lekhkan bappa hem hindu patr zo bhair vochpak sodta. Punn bhair vochpache hem fokot tachem sopon urta karonn ezomntt tanka fottoita ani tache tikettik dil'le duddu gheun polltta. Amchea somazat fottkirem lok asta,dolle dhapun tancher vixvas dourocho nhoi.Hea nattkantolo zori bappa bhair paulo na tori sabar lok bhair votle ten'na tanka konnacher rokhddoch dolle dhapun vixvas dourinasotona xittukosannen fuddem sorchi oxi dekh melltta vatauronn nirmitichea nodrentlean polloilear lekhkan bappachea toddant bori bhas ghalea.Ti soglli uloitat te somvad aikun bhailem drixy dollea samkar ube rauta.Bappachea madhyomatlean soglloyak xikounn melltta.

Tachea uprant bappa montri zata.He tanche dusre nattok bappa ho bindast vut'ticho monis kaim kam' korinasotona vhodd sopnam polloup.To bhair vochuk paulo na mhunn kitem zale.To ata montri zaupachi sopnam polloita.Hea nattkant lekhkan somazat ghoddpi rajkaronnacho vixoi manddla.Koxe rojkaronni monis vechnnuki vellar lokank axvasona divn bhuloitat ani ekdam aple kam' sadle mhonnttokoch hat voir kaddtat.Toxench vechnnukechea bovallak lagun protyek umedovar aple bols rikami korumn lokank bhuloitat te dakhoila.Purai nattkat vechnnukeche vatauronn dolleam samkar ubem ravil'le polloupak melltta.Dekhik hi voll-(halicho sorkar fokt apli bolsam bhorpachea kamat gul'l zalo,ani nivddun kaddil'le projeche don poixachem korpak visrolo.Punn hamv mat hi chuk korcho na. Hamv donuy vostu boro boroborin kortolo.Bappa he soglle chitun dourota.Vechnnuke khatir to aple bhatt vikta ani 80 hozar rupea gheta.Ani tea poixachem sogllea lokank khaupak pivpak ghalta.Punn nimnne kodden motmozonni vellar kolltta ki bappak fokt donoch motam poddttat.Bappa porot ekda fottouta.He drixy aichea somazat legit dixtti poddtta.Lok ekache khatat ani mot bholteakoch dita.Oxentoren hea nattkat bappachi hi got zata.Lekhkan vechnnuke sarko chalont vixoi maddlam. Toxech vechnnukeche vatauronn chitraila. Dekhik – zahironame, hat potra,tokhttem,bhouddaupak mottar gaddeo adi toxench .Umedovarachi khunnachi kaim namva zoxem hat ful,hot'ti,xiv,gai adi.Punn bappa apli khunn mhunn boklo dourota.Hroya sogllea gozalitlean ek purok oxem vatauronn toyar zal'le dixtti poddtta.Prokax ani anond he bappache xezari tanka umedovar raupa khatir uksaita.He donuy bappak borench lutt'tta ani nimannekodden bappak motam legit ghalnat ani oxem toren te bappacho vixvas ghat kortat.Tachea uprant bappak sot fuddtta. He tanche tisrem nattok hantun ondhoxrodhde sarko vixoi dakhoila.Bappa apnnak sort futt'ttoli mhunn pautik sangta.Bappa 2 vella fottoulo tori legit to sort lagun apnnak poixem mellttole oxem sopon polloita.Nimnnenkodden taka sort legit lagta.Punn bappachea bhollea svobhavak lagun dot'ta ani surex bahu tanchekoddlean soglle poixem kaddun ghetat.Hea nattkant bond toxench rostear zaupi opghat koxem vaddot asa.Az legit he polloupak melltta.Toxench ani ek xikounn melltta.Monxan uloitona,boroitona,toxench bhovixyovanni kortona don fautt chitpak zai.Zor ami oxem koruk na zalear bappa sarke fottoutole.

Survechea tinuy nattkantlean lekhkan bappa koso fottouta to dakhoila punn nimnnekodden bappa xanno zata.Sopea toren duddu koxem mellouche he tannem soddun dile.Hanchea fudde kai ani kotvy,gham' varoi hat pai zhoroi ani ek xrimont koso jivit fuloi.Hagsor lekhkan ek boro vixoi manddla.Koxtt korun borem foll melltta.Ani nimnne je nattok asa te mhollear bappa smoglor zata.Bappa xanno zatkoch tachea kodden poixem ghollpak lagta,koxtt korun to girest zata.Punn nimnnekodden chodd poixe melloupachea hamvesak lagun bappachi ghorkan'n ani bhurgi tanka smogligeche kam' korpak sangta.Bappak he kam' korpak naka asta punn ghorchea lokanchea dobava khatir to he kam' korta ani smoglor zata.

Hea panchuy ekanki nattkatlean lekhkan je vixoi maddleat te amchea dispott'ttea jinnent ghoddpi ghoddnnukancher adarit asa. Hanga kaim novem vixoi yeupachi goroz axil'li zor novem vixoi ayil'le zalear te anikoi dorjedar zaupache punn lekhkan je vixoi maddleat tanka sarko nyai dila oxem mhonnu yeta. Karonn somvadachea toxench vatauronn nimnnechea nodrentlean hi panchuy nattka bori fulea nattkachi maddamvll borem ritin kela punn bappa smoglor zata hea nattkacho xeutt mhaka matso khottkolo. Jen'na bappa xanno zata.Hea nattkant bappa huxar zata tem dakhoila .Hroya fudde borea magar vochun koxtt korun kam' korpa sodta zalear tachea nimnnea nattkatom bappa smoglor zata oxem kiteak dakhoila? jen'na monis borea magar vota he dakhoitokoch tanka rokhddoch vaitt dakhoup mhollear hacho porinnam' nattok polloupi prekxokacher vaitt zavo yeta. Tea khatir bappa smoglor zata he nattok poili yeuk zai asle ani bappa xanno zata he tachem nimnne nattok yeupak zai asle. Hea panchuy ekanki nattkant lekhkan ek vegllo boro proyog kela to mhollear hea purai nattkamni hindu patram gheun tachea tonddat bori bhas ghatlea. Oxentoren hi panchuy nattkam lekhkan rochleata.

Sondorbh[बदल]

  1. "DKA remembers Fr Freddy Da Costa on birth anniv". The Goan EveryDay (in इंग्लीश). 2021-07-19. Retrieved 2023-03-17.
"https://gom.wikipedia.org/w/index.php?title=Father_Freddy_J._da_Costa&oldid=210299" चे कडल्यान परतून मेळयलें