António Costa
António Luis Santos da Costa vô Anton Costa, Portugalcho Prodhan Montri. To Goenkar. Tacho pai famad boroupi Orland da Cost ani tachi avoi Maria Antónia Palla.
Zolm
[बदल]Anton Costacho zolom 17vi Julh, 1961 vorsa Lisboa-k zalo. Tacho pai famad boroupi Orland da Costa ani tachi avoi Maria Antónia Palla. Tacho pai sumar 18-19 vorsachea pirai-a meren Moddganv-am (Margão) raulo.
Xikop
[बदल]Anton Costachem unchlem xikop Lisboa-chea Universidadin zalem.
Kazar
[बदल]1987 vorsa, Anton Costa Maria Tadeu-a lagim kazar zalo. Tankam don bhurgim.
Pulitikent
[बदल]Anton Costa adleam Purtugalchea xerkaranim montri aslo. To Evropi Parliamentacho-ui membru aslo. Uprant 2007 te 2015 meren Lisboa xharachea Kamracho Pirjidentui aslo. 2015 vorsa, Novembr-achea 26ver, Prodhan Montricho soput ghetlo.
Goeam
[बदल]Anton Costa Goeam sumar 35 vorsam adim (1980 sumar) ailolo. 2017 vorsa, Janerachea 11ver ani 12ver tannem Goeam ieun, dusrea pautti aplea purvozanchea zomnnir panvl dovorlam.