श्रीपाद दामोदर सातवळेकर

जल्म

श्रीपाद दामोदर सातवळेकर थोर वेदाभ्थासक, वेदप्रसारक आनी चित्रकार. तांचो जल्म सावंतवाडी संस्थानांतल्या कोलगांव हांगा जालो.

शिक्षण

इंग्लिश सवी मेरेनचे शिक्षण आनी चित्रकलेच्यो पयल्यो दोन परीक्षा इतलेंच सावंतवाडी हांगा जाले. 1890 ह्या वर्सा ताणी सर जे. जे. स्कुल ऑफ आर्ट हांगासर चित्रकलेच्या आनी शिल्पकलेच्या उच शिक्षणा खातीर प्रवेश घेतलो.

पारितोषकां

जे. जे. न आसताना तांकां खुब्ब पारितोषकां फावो जाली. षतिशठेचें मेयो पदकूय तांकां दोनदा (एकदा चित्रकले खातीरः दुसऱ्या खेपेक शिल्पकले खातीर) मेळ्ळे. ओंध संस्थानाचे अधीपती भवानराव पंतप्रतिनिधी हांचो स्नेह तांका ह्याच काळांत मेंळ्ळो.

चित्रकार

एक चित्रकार म्हूण हैदराबादेंत तांचो निजामा कडेन संबंद आयलो थंयसर तें रावले. व्यक्ति चित्रकार म्हूण तांचें नांव जाले. राजे, सरदार आदींनी तांचे कडल्यान आपली व्यक्तिचित्रां काडून घतली.

स्वातंत्र्याची चळवळ

ह्याच काळांत स्वातंत्र्याची चळवळ नेटान सुरू जाली. पंडितजी आर्य समाजाकडे आकृश्ट जाले. 1901 ते 1918 पर्यंत ताणी आर्य समाजाचे काम केलें. कोल्हापूरच्या एका नियतकालिकांतल्यान ताणी ‘वैदिक राष्ट्रगीत’ (1907) प्रसिघ्द केले. ‘वैदिक राष्ट्रगीत’ आनी ‘वैदिक प्रार्थनांची तेजस्विता (1908) या लेखा खातीर तांका बंदखण भोगची पडली.