अंनत आत्माराम काणेकर

अंनत आत्माराम काणेकर हे आधुनिक कवी,लेखक आशिल्ले.

जल्म

अंनत आत्माराम काणेकर हांचो जल्म मुंबय हांगासर 02 डिसंबर 1905 ह्या दिसा जालो.

शिक्षण

तांचे मुळावें शिक्षण गिरगांव हांगासरल्या चिकित्सक समूह शिरोडकर हायस्कुलांत जालें.1927 ह्या वर्सा ताणीं मुंबय विधापिठांतल्यान बी.ए.ची पदवी मेळयली.उपरात एल.एल.बी जाले उपरांत ताणीं वकिलीची सनद मेळयली.

वावर

काणेकर हे आधुनिक मराठी कवी,चतुरस्त्र लेखक आनी वृत्तपत्रकार आशिल्ले. मुंबयंतल्या नाटयमन्वंतर (1933)ह्या प्रयोगशील नाट्यसंस्थेचे ते एक संस्थापक.1935 ते 1939 ह्या काळांत मुंबयच्या चित्रा ह्या साप्ताहिकाचे ते संपादक आसले.1941 ते 1946 मेरेऩ मुंबयच्या खालसा महाविधालयांत ते मराठीचे प्राध्यापक आसले. उपरांत मुंबईच्याच सिध्दार्थ महाविधालयांत ते विभाग मुखेली आसले.

साहित्तीक रचना

दरात व इतर कविता (1933) हो तांचो एकूच कविताझेलो.तत्कालीन काव्यलंकेतांक फाट्यार मारीन बरयील्या त्यांच्या कवितांनी प्रादेशीक लोकगितांचे,विडंबन काव्याचे,पुरोगामी सामाजीक आशयाचे आनी मोगाच्या प्रसन्न आविश्काराचे वैशिश्टपूर्ण दर्शन घडटा.नाट्यमन्वंतर ह्या संस्थे खातीर संक्रमण काळांतल्या प्रयोगशील मराठी रगंभूये कडेन तांचो संबंद आयलो.निशिकांतची नवरी(1938),घरकूल (1941),आनी फांस (1949) ही तांची अणकार केल्ली नाटकां प्रयोगशील रंगभुयेक खूब्ब उपेगांत आयलीं. धूर आनी हेर एकांकिका (1941) हातूंत तांच्यो एकांकिका आसात.

मरण

22 जानेवारी 1980 ह्या दिसा तांकां मरण आयलें.