अनुपम खेर

विकिपीडिया कडल्यान
अनुपम खेर

अनूपम खेर दि. 7 मार्च 1955 ह्या दीसा हीमाचल प्रदेशातल्या शिमलात जालो. खेर हांचे घराणें काश्मिरी पंडितांचें. काश्मिरातल्यान ते शिमलाक स्थायीक जाले. ताजो बापूय हो कारकून आशिल्लो. अनूपमाचें नुऴावें शिक्षण शिमल्यांतल्या डिऍव्ही स्कूलांत जालें. ताजे उच्च शिक्षण हिमाचल प्रदेशालात युनिव्हसिटीत जाले .ताच्या मागीर तो नशनल स्कुल ऑफ ड्रमात शिकलो. आपले करिअर करपा खातीर तो मुंबय आयलो. थंय ताका नाटकांनी ल्हान ल्हान कांमा मेळ्ळी. पयशे नाशिल्या कारणान ताका रेल्वे प्लेटफॉमाचेर कारणान न्हीदून दीस काडचे पडल्यात.पूण ताणें जिद्द सोडली ना. ताका पयलें काम मेळ्ळें तें 1982 वर्सा आयिल्या महेश भटाल्या सारांश पिक्चरान. हातूंत अनूपम खेरान जाणट्याची भुमिका केल्या, जाचो चलो भायर पडला. ताका पॅन्शन मेळना आनी ती घेवपा खातीर तो लांच दीवपाक तयार ना. ही सामक्या जाणट्या मनशाची भुमिका ताणें केली तेन्ना ताजें वय आसलें फकस्तं 28 वर्सा .ह्या पिक्चरांतल्या बी व्ही प्रधानाचे भुमिका फावो जालो. ताज्या उपरांत आयिल्लो कर्मा हो पिक्चरुय खुब्ब गाजलो. डॉ. डँग हो खलनायक गाजलो. मागीर तांणी खूब पीक्चरांनी खलनायकाच्यो भुमिका केल्यो. 1989 वर्सा आयिल्या डँडी पिक्चरान ताका स्पेशल ज्यूरी अवॉर्ड मेळोवन दिलो. होच अवॉर्ड ताका 2005 पिक्चरा खातीर मेळ्ळा.

"https://gom.wikipedia.org/w/index.php?title=अनुपम_खेर&oldid=200538" चे कडल्यान परतून मेळयलें