विध्याधर गोखले

विध्याधर गोखले

जल्म

हांचो जल्म 4 जानेवारी  1924 ह्या दिसा अमरावती हांगा जालो.

शिक्षण

ल्हानपणांत घरांतल्यान मेळिल्ल्या संस्कारांचो विध्याधर गोखले हांचेर खूब्ब प्रभाव आसलो. अमरावती हांगा पदवी मेरेन शिक्षण घेतले उपरांत 1944 वर्सा ते मुंबयंत आयले. जनरल एज्युकेशन सोसायटीच्या कुर्ला हांगासरल्या शाळेंत इंग्रजी, मराठी आनी संस्कृत विशयाचे तांणी अध्यापन केलें.

वळख

ताचो बापूय संभाजीराव गोखले हो मध्यप्रदेशांतल्या काँग्रेस प्रशासनात मंत्री आशिल्लो. एक विध्यार्थीप्रिय शिक्षक म्हणून तांची वळख आसली. ते उपरांत विध्याधर गोखले हाणी दैनिक लोकसत्तात बरीच वर्सा पत्रकारिता केली. ते उपरांत पांच वर्सा तांणी संपादक म्हणून काम पळयलें.

  पत्रकारिता करीत आसताना वृत्तपत्रा बरोबरच तांची लेखणी नाट्यलेखन करपाक लागली. संगीत नाटकांच्या परंपरा तांणी फुडें चलयली.

वावर

गोखले हांणी एकूण 18 नाटकां बरयलीं. ते पैकीं कांय इतिहासीक, पौराणीक तर सामाजीक विशयांचेर आधारीत आसता.तांची संगीत नाटकां तर लोकप्रिय जालींच ते भायर तांतूतलीं पदां लेगीत आयज मेरेन लोकांच्या वठार आसात. सुवर्णतुला, पंडितराज जगन्नाथ, मंदारमाला, जावयाचे बंड, चमकला ध्रुवाचा तारा, जयजय गौरीशंकर हीं संगीत नाटकां लोकप्रिय जालींच पूण साक्षीदार, अमृत झाले जहराचे, मदनाची मंजिरी, स्वरसम्राज्ञी ही तांची पाश्चात्य कृतीचेर आधारीत आसलेली संगीत नाटकांय खूब्ब गजाली.

मरण

26 सप्टेंबर 1996 ह्या दिसा तांकां मरण आयलें.