जॉन आग्यार

विकिपीडिया कडल्यान
देवनागरी
     
जॉन आग्यार', भारतांतलो गोंयचो कोंकणी कवीं

जॉन आग्यार' एक कोंकणी कवी, बरोवपी, प्रसार माध्यमाची व्यक्ती आनी पदां,कांतारां रचपी. जाचीं पदां , कांतारां आकाशवाणीचेर वित्रायल्यांत चड करून गोंयांत आनी सी. डींचेर आयकुपाक मेळटात..

संगीत[बदल]

ताणे विवा कारनावाल, कांतार,संगीत बसोवन रचललें जें मुकेश घाटवल हाणें गायलें. ताका गोंयचें कारनावाल गान कशें 1992 वर्सा निवडलें.नोवेंबर 2011 वर्सा ताणें 'स्वतंत्र गोवा' ह्या देसभक्ती आलबमाक आपले गात दिलां जातूंत पांच कोंकणी आनी तीन मराठी कांतारांचो आस्पाव आसा जीं बुयांव थियेटर्ज गोंय हाणीं प्रस्तूत केल्यांत.[1]

आगियार हाणें एक भक्ती गीत मंगल मूर्ती[2] मोरया तयार केलां जाचें संगिताचें रचप आनी गावप मुकेश घाटवल हाणें केलां, अश्या प्रकारचो गणेश आरती व्हीडीयो कोंकणी भाशेंत पयलें फावट जावन आशिल्लो.[3] श्री. आगीयार हांणी २००९ वर्सा श्री. सिद्धनाथ बुयांव हांणी काडील्ल्या “ग्रेटफूल टू जिझस” ह्या आल्बमा खातीर सात गीतां बरयल्यांत.

आकाशवाणी सोडून तांचीं पदां, कांतारां सी डीचेर लौकीक जाल्यात जशे परीं वेली ऑफ कलर्ज, एक नातें, बुयांव रॉक्स तेच परीं भक्ती गितांच्यो सी डी जशे परीं ग्रेटफूल टू जीसस[4] आनी हे दामदारा ह्या फामाद संगीत रचपी सिद्धनाथ बुयांव हाणें ह्यो सी.डी. तयार केल्यात. ताचे दामबाबा तू पाव रे....हे गौतमी हेदे बांबोळकरान गायलेलें गीत भक्ताच्या औठार खेळता. शांतादूर्गा आई ह्या ताच्या गिताक मूकेश घाटवळान संगीत दिलां आनी गौतमी हेदे बांबोळकरान आवाज दिला. हे गात खूब गाजले. ताचें एक दामबाबाचेर गित दिलीप वजे हाणें रचून तें समिक्षा भोबे हाणीं गायलां.

प्लेनिंग देवाचें[5] ह्या कोंकणी फिल्मांत ताचो कलाकार कसो आस्पाव जाला जाची पयली दाखोवण जानेवरी 2018 मडगांव, गोंय हांगा जाली.

टिंकी जाॅर्ज हांच्या “मांयचो मोग” ह्या शॉर्ट फिल्मांत तांणी मुखेल भुमीका साकारल्या. ते भायर तांणी “द फॉर्मल शुज” ह्या नावाचें एक सायलंट फिल्मय काडलां जातूंत तांची मुखेल भुमीका आसा.

श्री. आग्यार हांणी कोरोना जागृततायेचेर दोन पदां बरयिल्ली जीं सोशल मिडीयाचेर खूप फामाद जाल्लीं. ते भायर कोविड-१९ वयल्या कोवाक्सीन ह्या वासीनाचो स्वयंसेवा ह्युमन ट्रायल डोस घेवपा खातीर तांकां गोंय नागरी सुरक्षा संस्थेन सन्मानीत केलां.

कविता[बदल]

ताणें कोंकणी कवितेचीं चार पुस्तकां आनी एक इंग्लिशिंत निबंदांचें पुस्तक आनीक एक कोंकणील्या रोमी लिपयेंत आसा. ताणें साबार लेख थळाव्या पत्रां खातीर समाजीक विशयांचेर बरयल्यात. मुंगळुरच्या कलांगणा, खातीर तांका बऱ्यांतलो बरो कांतारां रचपा खातीर जागतीक संगीत तसरिपां 2010 वर्सा तांचे नांमांकन जाल्लें आनी ताका कोंकणी भाशा मंडळाचो रॉक बाॅरेटो साहित्यीक तसरिप 2017 वर्सा ताच्या ओल्यो यादी पूस्तका खातीर खातीर फावो जाल्या.

तसरिपां [सुदार][बदल]

जॉन आगियार हांका उत्कृश्ट सेवे खातीर २०२० च्या प्रजासत्ताक दिनाक प्रतिश्ठेचें राष्ट्रपती होम गार्ड्स आनी नागरी सुरक्षा पदक फावो जालां. ते भायर उल्लेखनिय सेवेखातीर तांका २०१२ च्या स्वतंत्रता दिसा राष्ट्रपती होम गार्ड्स आनी नागरी सुरक्षा पदक फावो जाल्लें. तांका गृह व्यवहार मंत्रालय, नवी दिल्ली हांणी २०१३ सालांत प्रशंसा प्रमाणपत्र आनी नागरी सुरक्षा महासंचालकांची डिस्क भेटयिल्ली. ते भायर २०१६ सालांत एनसीसी बेळगांव (कर्नाटक) हांगासल्ल्या उप-महासंचालकां कडल्यानूय तांका प्रशंसा प्रमाणपत्र फावो जालां.

सगळे धर्म एकठांय नांदचे ह्या हेतान श्री गायत्री मठ तळेवाडो, बेतोडें, फोंडें गोंय हांणी २ एप्रिल २०११ ह्या दिसा आयोजित केल्ल्या २२ व्या “सर्वधर्म महाभक्ती संमेलनांत” श्री श्री पारवाडेश्वर महाराज आनी श्री श्री भाऊ महाराज हांचे हस्तुकी श्री. जॉन आगियार हांका “सर्व धर्म भक्ती पुरस्कार” भेटयला.

वेवसाय, मूळ पत्रकार गोंय राज्याच्या म्हायती आनी प्रसिध्दी विभागाचो म्हायती अधिकारी म्हण काम केलां.आगियार एक पत्रकार ताच्या कॉलेजिच्या दिसां पासून आसा, आनी ताचो संबंद जशे परीं हेराल्ड, वेस्ट कोस्ट टायम्स आनी हेर वर्तमान पत्रांकडे जाला.

संदर्भ[सुदार][बदल]

  1. "Margao: 'Swatantra Goa' Patriotic CD Released". Retrieved 2018-10-14.
  2. D'Cruz, Dolcy (12 September 2018). "Singing praises to Lord Ganesha". Herald. Retrieved 13 October 2018. {{cite web}}: Cite has empty unknown parameter: |dead-url= (help)
  3. "Govind Gaude launches first Konkani Ganesh video song". Uniindia.com. Sep 8, 2018. Retrieved 15 October 2018. {{cite web}}: Cite has empty unknown parameter: |dead-url= (help)
  4. "Sidhanath Buyao releases six new music singles - GOACOM - GOA - INDIA - INFORMATION AND SERVICES IN GOA. Goa News, Goa Konkani News, Goa Sunaparant News, Goan Konakani News, Goa Video News, Goa Yellow Pages". GOACOM - GOA - INDIA - INFORMATION AND SERVICES IN GOA. Goa News, Goa Konkani News, Goa Sunaparant News, Goan Konakani News, Goa Video News, Goa Yellow Pages (in अमेरिकन इंग्लीश). Archived from the original on 2018-10-15. Retrieved 2018-10-14.
  5. "Welcome 2018 with these Konkani films". oHeraldo (in इंग्लीश). Retrieved 2018-10-14.

Bhaileo zullovnneo[बदल]

"https://gom.wikipedia.org/w/index.php?title=जॉन_आग्यार&oldid=214591" चे कडल्यान परतून मेळयलें