Miransha Naik
Miransha Naik | |
|---|---|
_(cropped).jpg) Miransha Naik in 2017 | |
| Born | Borimol, Goa |
| Occupation |
|
| Known for | Juze |
| Awards | Special Jury Award at Minsk Film Festival (2017) |
Miransha Naik ek Bharoti film digdorspi ani film kotha borovpi zo doreadegechea Goem rajiantlo zavn asa. To tachea poilem Konknni film Juze haka lagun famad zala..[1]
Adlem Jivit
[बदल]Miransha Naik 9 vorsanche piraier astana tacho avoi bapui eka duensan devadhin zalim,To Borimol ganvant aplea xamai ani don bhoinnni vangdda to vaddlo, ani Dhavechea porikxent tisro ailo. Kepemchea Sorkari kolejintlo to B.Com xiktana eka vorsa uprant aplea ghorcheam khatir vavurpak bhair sorlo zoim tannem eka waiter-achem kam dhorlem. To 19 vorsancho astana tachi xamai sompli ani taka tachea don bhoinninchea kazarachi zobabdari ghevchi poddli. Waiter-achem kam tannem panch vorsam kelem ani duddu komaile jea vorvim to aplem vellecher aplem svotachem xek ghalunk pavlo zaka tannem Blue Corner nanv dilem jem Bannavle veller urta.
Aplea bhoinnank kazar kortoch to Bharotant ani pordesant bhonvddi marunk laglo. Tacho filma vixim mog vaddunk laglo. To Juze filmantle don dekhave ugddas korta zantunt ganvchim bhurgim Subhash Ghaichem Karz ani Hero film polletat je Naikache ani tachea lhan ixttanche ani Naikacho filma vixim mogache ugddas zavn asat.
Uprant tannem ek mottvea filmanchea kanni borovpacho patthiokrom Noidachea Asian Academy of Film and Television koddlean kelo. 2010 vorsa tannem aple bhoinnink ani kunhadak Blue Corner cholovpachi zobabdari sompoili ani ek film kannni borovpacho patthiokrom, Mumboichea Whistling Woods International hantuntlean kelo. Hangasor, taka zaitea filmanchi mhaiti mellunk pavli zantunt Bharoti toxench Ontorraxttrio kole filmancho aspav asa. Tannem tanchem poilem mottvem film, Remember A Day 2012 vorsa , Ram film digdorxon korche poilim sangatan boroilolem asa (2014).[2]
Karkird
[बदल]Miransha Naik hannem borovpachem toxench digdorxonachem poilem pavl aplea mottvea film Ram hantunt 2014 vorsa kelem.[3] Tem ek vinodi film asa zantunt ek Goenkar cholo aplem ankvarponn ibaddunk chodd nirxeta tacher kendrit asa , ani tantunt poile pavtti kam korpi tornnatto Rushikesh Naik aspavta (zo uprant Juze filmant mukhel nottachem patr korta).[2] Tachea poilea film Juze haka ttikakaramni tokhnnai kelea.. Tem film somajik oniticher asa ani Goeam bhaile vavraddeanche zalolea pillvonnukecher adarit asa jem 1990 vorsanchea kallant bosoilam.Tem. Bharot, Frans ani Nedtherlands desamchea (Thin Air, Three Rivers, Kepler Films, Cine-Sud Promotion) lokamni nirmoilam zacho bavtto Goa Film Bazaar asa ani tachem thoddem sonkolon Parisant kelam[4] Hem film Naikachea thoddea bhurgeponnachea onnubhovacher adarit asa. [5] Tacho poilo khell Hong Kong International Film Festival Abril 2017vorsant zalo.[6][7]