बडे गुलाम अली खान

विकिपीडिया कडल्यान
बडे गुलाम अली खान

उस्ताद बडे गुलाम अली खां हांचो जल्म दि. 2 एप्रिल 1902 या दिसा लाहोराच्या लागी आशिल्ल्या कसूर या गावांत जालो. तांच्या घराण्यांतूच गाणे आशिल्ले. तांचे सांगितिक शिक्षण तांचे पिता उस्ताद अलि बक्श खां साहिब हांच्यालागी जालो. पिरायेच्या पाचव्या वर्सासावन ताणी तांचो चुलते कसूर घराण्याचे भौमानेस्त गायक उस्ताद काले खां साहिब हांच्यालागसून कसूर घराण्याची गायकी शिकून घेतली.पतियाळा आणि कसूर घराण्याचो अप्रतिम मिलाफ तांच्या गायकींत आसलो. तांचे पिता हे काश्मीरच्या महाराजांचे दरबारी गायक आशिल्ले. म्हूण कसूरींत तांच्या गायकीक काश्मिरी घराणे म्हण्टाले. मागीर पटियाला रावपाक लागले. तेन्नाचान ते घराणे पटियाला घराणे म्हूण वळखले वाचपाक लागले. बडे गुलाम अली खां हांची सुवात सारंगी वादक म्हूण जाली. 1999 या वर्सा लाहोर संगीत संमेलनांत तांच्या गायकीची पयल्या फावट वळख रसिकांक जाली. हांच्याउपरांत जाल्ल्या कलकत्ता आनी अलाहबाद हांगासल्ल्या संगीत संमेलनांनी तांची वळख सगल्या देशाक जाली. ताणी गायील्ल्या राधेश्याम बोल हें भजन आयकून महात्मा गांधी खूब्ब प्रभावित जाल्ले. भारत सरकारान 1962 या वर्सा पद्मभूशण या पदवीन तांका सन्मानीत केल्ले. याद पिया की आए ही ठुमरी खंयसूर कानार पडली जाल्यार याद येता ती उस्ताद बडे गुलाम अली खां हांची. 23 एप्रिल 1968 या दिसा हो उस्ताद अल्लाक प्यारो जालो.

"https://gom.wikipedia.org/w/index.php?title=बडे_गुलाम_अली_खान&oldid=214047" चे कडल्यान परतून मेळयलें