ಉಜ್ವಾಡು

ಉಜ್ವಾಡು ೨೦೧೧ ಆಂತ್ ಐಲೆ ಏಕ್ ಕೊಂಕಣಿ ಸಿನಿಮ್. ಕಾಸರಗೋಡು ಚಿನ್ನಾ ಹಾನ್ನಿ ಹೇಂ ಸಿನಿಮಾಚೆ ನಿರ್ದೇಶನ್ ಕೋರ್ನು, ಕೆ ಜೆ ಧನಂಜಯ್ ಆನಿ ಅನುರಾಧ ಪಡಿಯಾರ್ ನಿರ್ಮಾಪಣ್ ಕೆಲ್ಲೆಂ. ಹೇಂ ಜಿ ಎಸ್ ಬಿ ಕೊಂಕಣೀಚೆ ತಿನ್ನೀಂ ಸಿನಿಮ್ ಜಾವ್ನೂರ್ನು, ಕೊಂಕಣಿ ಸಾರಸ್ವತ್ ಸಂಪ್ರದಾಯ್ ಆನಿ ಸಂಸ್ಕೃತಿ ಬದ್ದಲ್ ಕಾಳ್ಳೆ ಸಿನಿಮ್ ಜಾವ್ನಸ್ಸ.

೧೪ ಅಕ್ಟೋಬರ್ ೨೦೧೧ ಆಂತ್ ಲೋಕಾರ್ಪಣ್ ಜಾವ್ನು, ವಿ. ಮನೋಹರ್ ಹಾಂಗೆಲೆ ಸಂಗೀತ್ ಆಸ್ಸ. ಶಿವಧ್ವಜ್, ನೀತು, ಸದಾಶಿವ್ ಬ್ರಹ್ಮಾವರ್, ಸಂಧ್ಯಾ ಪೈ, ಪ್ರಮಿಳಾ ನೇಸರ್ಗಿ, ಡಾ. ಅನಂತ್ ಪ್ರಭು, ಉಮಾಶ್ರೀ ಸಕಡ್ ನಟನ್ ಕೆಲ್ಲಾ.

ಚಿತ್ರಕಥ್

ಏಕ್ ಗೌಡ್ ಸಾರಸ್ವತ್ ಬ್ರಾಹ್ಮಣ್ ಕುಟುಂಬಾಕ್ ಜೀವನಾಂತ್ ಐಲೆ ಕಷ್ಟ್ ಆನಿ ತಾನ್ನಿ ತೇಂ ಕೆಶ್ಶ್ ಮುಕಾರ್ಸಿಲ್ಲೆ ಮೊಣ್ಚೆ ಉಜ್ವಾಡು ಸಿನಿಮಾಚೆ ಕಾಣಿ ಆಸಾ.

ತಾರಾಗಣ್

• ಉಮಾಶ್ರೀ
• ಶಿವಧ್ವಜ್
• ನೀತು
• ಸದಾಶಿವ್ ಬ್ರಹ್ಮಾವರ್
• ಸಂಧ್ಯಾ ಪೈ
• ಪ್ರಮಿಳಾ ನೇಸರ್ಗಿ
• ಡಾ. ಅನಂತ್ ಪ್ರಭು
• ಶ್ರೀನಿವಾಸ್ ಶೇಷಗಿರಿ ಪ್ರಭು (ಗಜ್ಜು ಪಾತ್ರಾಂತ್)

ಸಿನಿಮಾಂ ನಿರ್ಮಾಣ್

೨೨ ಏಪ್ರಿಲ್ ೨೦೧೧ ಆಂತ್ ಬೆಂಗಳೂರಾಚೆ ಕುಮಾರಸ್ವಾಮಿ ಲೇಔಟಾಂತ್ ಉಜ್ವಾಡು ಸಿನಿಮ್ ಚಿತ್ರೀಕರಣಾಚೆ ಮುಹೂರ್ತ್ ದೊವರ್ಲೆ. ಕನ್ನಡ್ ಚಿತ್ರಗಣಾಚೆ ಪ್ರಸಿದ್ಧ್ ವ್ಯಕ್ತಿಯೊಂ ಗಿರೀಶ್ ಕಾಸರವಳ್ಳಿ, ಟಿ ಎಸ್ ನಾಗಾಭರಣ, ಜಯಮಾಲಾ, ಉಮಾಶ್ರೀ ಆನಿ ೧೯೮೦ ದಶಕಾಂತ್ "ಜನ ಮನ" ನಾಂವಾಂ ಕೊಂಕಣಿ ಸಿನಿಮಾಂ ನಿರ್ದೇಶಕ್ ಡಾ. ಕೆ ರಮೇಶ್ ಕಾಮತ್ ಹಾನ್ನಿ ಉಪಸ್ಥಿತ್ ಆಸಿಲ್ಲೆ. ಉಜ್ವಾಡು ಸಿನಿಮಾಕ್ ಪ್ರಾದೇಶಿಕ್ ಸೆನ್ಸಾರ್ ಮಂಡಳೀನ್ 'ಯು' ಪ್ರಮಾಣಪತ್ರ್ ದಿಲ್ಲೆ.

ಸಿನಿಮಾಚೆ ಚಿತ್ರೀಕರಣ್ ಮಂಗ್ಳುರ್ ಆನಿ ಕಾರ್ಕಳಾಂ ಲಾಗ್ಗಿ ಜಾಲ್ಲೆ. ಹೇಂ ಜಿ ಎಸ್ ಬಿ ಕೊಂಕಣೀಂತ್ ಕಾಳ್ಳೆ ತಿನ್ನೀಂ ಸಿನಿಮ್ ಜಾವ್ನಸ್ಸ. ತಪಸ್ವಿನಿ ಆನಿ ಜನ ಮನ ಹೇಂ ಹಾಜ್ಜ್ ಪೂಡ್ ಕಾಳ್ಳೆ ದುಸ್ರೆ ದೋನ್ ಸಿನಿಮ್.