अन्सु रोड्रिगीज

अन्सु रोड्रिगीज ही एक तियात्रीस्त

जल्म

ती संगीताची परंपरा लाबिल्ल्या घराण्यांत जल्मांक आयिल्ली. तिचो बापूय दियागो रोड्रिगीज हो दिग्गू मेस्त्री हया नांवान लोक तांकां वळखतालें, कुडचडे आनी सरभोंवतणच्या वाठारांतल्या साबार गायकांनी तांचे कडल्यान संगिताचे धडे घेतिल्ल्यान ते तांचे गुरू आसले.

वावर

भुरगेपणा सावन ते संगीत, गायन, नाच आनी अभिनयांत वांटेकार जाताले. १९५७-५८ ह्या काळांत ते एमिसोरा दे गोवा जी उपरांत ऑल इंडिया रेडियो ह्या नांवान वळखुपाक लागले आनी आता ताका एफ. एम. रेडियो म्हण वळखतात थंय तांणी नियमीत गायक आनी नाटककार म्हण वावर केलो. तिने जासीन्त वाज, क्रुज जाजवाला, एलन कोस्टा, दिउगिनो डिमेलो, जियोर्जीना जेक्युज, रेजिनाल्ड फर्नांडीस आनी खुबश्या नामनेच्या कलाकारा वांगडा काम केल्लां, जे आता हया संवसाराक अंतरल्या. तिका रेमी कोलाको हाचे वांगडा लेगीत काम करपाची संद मेळल्या आनी तेच बरोबर आपल्या घरकारान मेथीव परेरा जांकां मेथीव पेर्री ह्या नांवान वळखता तांणी बरयल्ल्या आनी बसयल्या नाटकांनी लेगीत काम केलां. तिची खुबशीं ध्वनिमुद्रणां एफ. एम. रेडिओचेर आजुनूय आयकुपाक मेळटात. जरी तिची आता पिराय जाल्या तरी ती आयजूय तिका गावपाची संद मेळ्ळी जाल्यार, ती व्हडा उमेदीन सहगायका बरोबर सांस्कृतीक कार्यवळींनी सहभागी जाता.