उड्डमेथी
उड्डमेथी (वा उडदमेथी) कोंकणी हिंदू लोकांच्या शिवराक जेवणांतलें एक कालवण. उड्डमेथी चड करून आंबट रुचीचें फळ (जशें आमली, आंबाडे, बिंबलां वा करमलां) घालून करतात, आनी तातूंत नाल्लाची सोय, गोड, मिरसांगो हांचो आस्पाव आसता. उड्डमेथयेक फोण्ण मारपाक उडीद डाळ आनी मेथी हांचो उपेग करतात देखून ह्या कालवणाक "उड्डमेथी" ह्या नांवान वळखतात.
करपाची पद्धत[बदल]
पयलीं उडीद डाळ, मेथयेचे दाणे आनी मसाले (तांबड्यो मिरसांगो, मिरयां, सुकी कोथमीर) तेलांत तळसून घेतात आनी थंड जातकच नाल्लाचे सोये वांगडा दाट वांटून घेतात. वाटपांत हळदीचो पिठो घाल्यार जाता नाजाल्यार मागीर शिजयता आसतना घालतात.
दुसऱ्या आयदनांत तेल तापोवन तातूंत सासवां, उडीद डाळ, मेथयेचे दाणे आनी हिंग घालून फोण्णां मारतात. कांय कडेन फोण्णांत करबेल लेगीत वापरतात. मागीर तातूंत उड्डमेथयेचो मुखेल नग (आमली, आंबाडे, बिंबलां वा करमलां) गोड, मीठ आनी थोडेशें उदक घालून शिजयतात. उपरांत तयार केल्लें वांटप घालून खतखतो काडटात. जाय आसल्यार शेवटाक मीठ, हळदीचो पिठो आनी मिरसांगेचो पिठो हांचें प्रमाण सारकें करतात.