ओवॊं

ओवॊं

ओवॊं हे वनस्पतीचें झोंप बारीक आसता. ऒव्यांची लागवड वेपाराखातीर करतात. ह्या झॊंपाक गॊण्यांनी बारीक फुलां फुलतात तशेंच तांकां तांबडया रंगाचीँ बारींक फळां लागतात. तीं फळां आमी ऒवॊं म्हूण वापरतात.कांय खावचे जिनस करपाक हाचॊ उपेग जाता . ते भायर कांय जाण घरगुती वखद म्हूण हॊ ऒवों बरेच फावट वापरतात .

ऒव्यांचॊ उपयॊग

ऒवों गरम गुणाचो आसता. ह्या गुणाक लागून तो कफ पातळ करपाक मजत करता आनी जंतूंचो नाश करता.म्हूण हड्डयांत जर कफ भरत.खोंकली मारत. धांप लागत वा थुकयेक वास मारीत जाल्यार इंगळ्यार ऒव्यांचो चूर्ण घालून ताचो धुंवर नाकांत घेवचो.पोटांतल्या बय्राचशा दुयेंसांचेर ताचो उपेग जाता.भूक उणावप,अपचन जावप,अजीर्ण जावन पोटांत वात जायत वा दुखत जाल्यार अशा लश्रणां वेळार ऒवों आनी मीठ(सैंधव)अशें मिश्रण गरम उदकां वांगडा पोटांत घेवचें .पींत जावन पोटांत जळजळ जावप वा ताळ्याकडेन जळप,उलटी जावप ,तकली दुखप अशा लश्रणां वेळार लेगीत वयलें वखद उपेगी पडटा.तोंडांची रूच इबाडप,जेवण नाकाशें दिसप,वाताक लागून गुळो येवप अशा वेळार ऒव्यांचो चूर्ण तुपावांगडा घेवचो.दंत जाल्यार ऒव्यांचो चूर्ण गरम उदका वांगडा घेवचो.ऒवॊं ताका वांगडा दिल्यार फिग्दाचें कार्य सुदारता.तशेंच काळजाक उत्तेजन दिता.बायलांक म्हयन्याचे पाळये वेळार त्रास जायत जाल्यार ऒवों गरम उदका वांगडा दिसता .घावो जाल्यार ऒवों गरम उदकांत घालून घावो धुवचो.पोटदुखीर ऒवों बारीक वांटून ताचो पोटार लेप लावचो.आंगाक खंयूय सूज आयल्यार वा दुखत जाल्यार ऒव्याचें तेल चोलचें.ऒव्याचो चूर्ण बारीक कपडयांत गुंडाळून ताचो बोळो दांतांचेर धरल्यार दांतदुखीत आनी किडिल्या दातांक लाव जाता.