कांटैकुंवर

कांटैकुंवर पाचव्या रंगाची आसता.ही एक कुंडलेंत लायिल्लें सोबेचें झाडूच म्हूण आमी वळखतात.हाचीं पाना मोवसार,दाट,लांबट आनी कांटेरी आसता.त्या पानांनी भितर बुऴबुळीत पारदर्शक गर आसता. हो गर वखदी आसून ताची चव कोडू आसता.

 ल्हान भुरग्यांच्या जात्या विकारांक हो गर भोवच उपेगी पडटा.भुरग्यांच्या पोटांत दुखल्यार वा दंत जाल्यार पांव चमचो पांच ते सात दीस पोटांत घेवपाक दिवचो.तशेंच कोणाकूय दोळे आसल्यार वा दोळ्यांत जळजळ आसल्यार वा हेर दोळ्यांच्या विकाराखातीर हो गर पातळ करून दोळ्यांत घालतात वा ताचो लेप दोळयांचेर दवरल्यार दोळ्यांक थंडाय मेळटा.जोर आयल्यार हो गर,पिंपऴीचो चूणॆ आनी म्होंव एक करून घेतल्यार कुडींत वाडिल्ले पींत भायर पडून कामीण बरी जांव येता.