कुंकळ्ळे
देवनागरी
|
|
गोंयच्या अकरा म्हालां भितरलो साश्टी हो म्हाल एक सुंदर,सोबीत असो म्हाल.हया सोबीत सुंदर म्हालांत साठ गांव आसात.देखूनच हया म्हालांक साश्टी अशें म्हणटात.साश्टी म्हालांतल्यान साठ गांवां भितरलो एक सुदंर गांव म्हळ्यार कुंकळळी. कुंकळळी गांव तसो पुर्विल्या काळासावन फामाद.हया गांवाक हेर गांवावरीच आपले अशें स्वताचें अस्तित्व आसा. गोंयच्या इतिहासांत कुंकळ्ळी गांवचे नांव सदांच अमर आसा.गोंयच्या सुटके झुजांत हया गांवान दिल्ले योगदान तोखणाय करपासारकें शुर विरांचो गांव म्हूण गांवाक दर एक गोंयकार पाचारतात.कुंकळळेचो गांव बारां गोत्रांनी वा कुंटूंबानी त्या वेळार वाटिल्लो.म्हाल,शेतकार,नायक,पोरोब,बांदेकार,शोब्रो,तोब्रो,सिदागली,शेवणी,लोकगाडी,आनी वेकलो अशी ही बारां गोत्रां कुंकळ्ळेत आशिल्ली.दर एका कुंटुंबातले लोक आपआपली धार्मीक आनी सांस्कुतिक दायज आयजमेरेन साबांळून दवरली दिसून येतात.
आयज कुंकळळे गांवात लोक सख्येन हिंदु इतलेच क्रिस्तांव लोक आसात. पुर्तुगेज मिशनरीक कुंकळ्ळेंत क्रिस्ती धर्म पातळायतना व्हड त्रास जालो म्हणपाचे आमकां इतिहास सांगता.