कोडूलिंबू

कोडूलिंबू हाचें नांव घेतकच तोंड कोडू जाल्लेवरी दिसता. पूण तुमकां खबर आसा ह्या कोडूलिंबाचीं पानां जिबेक चव हाडपाखातीर उपेगी पडटात. हे वनस्पतींत जायचे वखदी गुणधर्म लिपिल्ले आसात. कोडूलिंबाचे मुखेलपणान दोन प्रकार आसात. रोस कोडू आनी थंड गुणाचो आशिल्ल्यान हो रोस पोटांत घेतल्यार रगतांतले दोश उणें करून रगत शुध्द जाता आनी सर्पीण,फुागांव वा हेर कातीच्या विकाराक मुखेलपणान हाचो उपेग जाता. दंत कमी करपाखातीर आनी पित्ताशयाचे (Liver) विकार बरे करपाक कोडूलिंबाचे सालीचो रोस कांयत तेप म्होंवा वांगडा घेवचो. पातळ संडास जावन रगत भायर पडल्यार होच रस रगत थांबोवपाक मजत करता. कांय प्रकाराच्या जोराक लागून तान चड लागता. ह्या वेळार कोडूलिंबाचीं पानां उदकांत शि़जोवन तें उदक पियेल्यार जोर देंवता. जोराक लागून आंगाची जळजळ जाल्यार को़डूलिंबाचीं पानां वांटून हातां-पांयांक वा आंगाक चोळचीं. कामीण, पांडू (Anemia), रक्तपींत सारके रोग बरे जावंचे खातीर ह्या पानांचो रोस घवचो. वीखबाधा जाल्यार हाचो रोस पियेवपाक दितात तशेंच जुनाट घावो आसल्यार कोडूलिंबाच्या सालींचो काडो करून घाव्यार घातल्यार घावयांतलो पूं आनी बाकी स्त्राव उणो जावन घावो पेकपाक मजत जाता. कोडूलिंबाचीं पानां तीळ तेलांत शिजोवन तयार केल्लें निंब तेल घाव्यार लायल्यार घावो बेगीन पेकपाक मदत जाता. सदां सकाळीं कोडूलिंबाचीं चार पाना खाल्ल्यार गोडेमुताचेर (Diabetes) नियंत्रण दवरपाक मजत जाता. जाका गोडयामुताचें दुयेंस जडलां तांच्यानी पानांचो रोस चार वा एक चमचे पिठो सदां घेवचो. ह्या दरम्यान रक्त तपासून हेर वखदाचें प्रमाण वैध कडल्यान थारावन घेपचें. चड फावटीं मुतपाक जाल्यारूय वयलो उपचार बरयाक पडटा. कोडूलिंबू जंतूनाशक आशिल्ल्यान घरांत पानांचो धूप घालपाक जाय. घरा शेजराक हें झाड लायल्यार घरांत जळारां जावनात.