कोलवेचें फाम

विकिपीडिया कडल्यान
देवनागरी
     
Colva Church

फाम हें व्हडा उमेदीन कोलवेच्या गांवांत मनयतात. मिनीन जेजूच्या फेस्ताची माडी म्हळ्यार फाम जी कोलवेच्या मॅरसेस सायबिणिचे इगर्जेंत जाता. ही इगर्ज ४०० वर्साची आसा.हांगा फेस्ता परस फाम व्हडा दबाज्यान मनयतात.फाम नोवेनाच्या पयल्या दिसा आनी माड्येचेर बेसांव घालून सूरु करतात. ओक्टोबराच्या दुसऱ्या सोमारा फाम व्हडा उमेदीन करतात.जंय हजारांनी लोक एकटांय येवन इमाजिचो उमांव घेवपाक येतात. णव दिसाचीं नोवेनां फाटल्यान फेस्त मनयतात.[1]

इतिहास[बदल]

एका थळावी आख्यायिके प्रमाण मिनीन जेझुची ईमाज मुजाम्बीक दर्यादेगेर १७ व्या शेंकड्यांत मेळ्ळिल्ली.ती ईमाज फादर बेन्टो फेरेरा एक जेझुईत पादरीच्या फुडाकारान वचपी बोटीर आसली जी दर्यादेगेर वचून आदळ्ळी.फादर बेन्टोची बदली १६४८ वर्सा कोलव्यां जाली.तेन्ना ती ईमाज घेवन कोलव्यां गेलो.तिचेखातीर एक आल्तार सजयलो आनी थंय बसयली.[2]

कांय वर्सा उपरांत वर्सान वर्स फाम मनवपाची सुरवात जाली.ह्या दिसा मिनीन जेझुची ईमाज लोकांक पळोवपाक दवरूंक लागले.त्या ईमाजिचें बेसांव घेवपाक हजारांनी लोक एकटांय येवपाक लागले.पूण पुर्तुगालांत जावपी कांय राजकारणी कारणांक लागून सगळ्या धर्माच्या व्हडिलांनी जेझुईत पादरींक राशोल सेमिनारींत वचपापो आदेश दिलो.ताच्या वांगडा ते ईमाजूय घेवन गेले.

कोलवेंच्या लोकांनी ती ईमाज परतून हाडपाचो प्रयत्न केलो पूण कांय फायदो जावंक ना.निमाणें त्या ईमाजी भशेन आनीक एक ईमाज तयार केली.पूण त्या ईमाजीक मुळावे ईमाजीची मुदी घातली जी तांकां उपरांत मेळ्ळी.आनी हाचे वयल्यान परतून श्रद्धा निर्माण जाली.[3]

फामा दीस[बदल]

फामा दिसा पयलीं व्हडलें मीस सुरू जाता आनी उपरांत ईमाज सकयल देंवयतात ताचेर मुकूट घालतात, मोचे, भांगर आनी हातींत जंडो दितात.ताचे कपडे भांगर आनी मोत्यांनी नेटयल्ले आसता.

मिसा उपरांत पादरी विगार आनी कोंफराऱ्याचो मुखेली ती ईमाज लोकांक दाखयतात आनी मागीर ताचें पुरसांव काडटात.पुरसांव जातकच ईमाज आल्तारार दवरतात आनी ताका न्हांवयतात.ताका धवे कपडे घालून लोकांखातीर उमांव घेवपाक फुडें काडटात.

देणगी म्हणून फूल वा पाकळी दितात.आनी इगर्जे भायर मिसां चलतात.भुरगीं नाशिल्लीं आवय बापूय थंय मागपाक येतात, आनी जांकां आंगवण केल्या उपरंत भुरगीं जल्मल्यात अशें मानतात तीं आंगवण फारीक करपाक येतात आनी भुरग्यांचेर आर्शिवाद घालपाक आल्तारार दवरतात.त्या दिसा बेसांव घातिल्लीं बेंतिनां वांट्टात.[4]

संदर्भ[बदल]

  1. http://www.goatourism.gov.in/festivals/christian_festivals/197-colva-fama
  2. http://www.indiamike.com/india/goa-f23/festivals-of-goa-colva-famatl180058/
  3. http://www.goa-worl.com/goa/fama-de-colva/सांचो:Fix/category[permanent dead link]
  4. http://www.bestgoadeals.com/Fama-De-Menino-Jesus-De Colva.html
"https://gom.wikipedia.org/w/index.php?title=कोलवेचें_फाम&oldid=214785" चे कडल्यान परतून मेळयलें