ग्रेटा गार्बो

विकिपीडिया कडल्यान
Jump to navigation Jump to search

ग्रेटा गार्बो

भुरगेंपण[बदल]

ग्रेटा लूव्हिसा गस्टाव्हसॉन हीचो जल्म स्वीडनांतल्या स्टॉकहोम हांगासर 18 सप्टेंबर 1905 ह्या दिसा जालो. ग्रेटा ही नामनेची चित्रपट अभिनेत्री. ती वयाच्या चोदाव्या वर्सा पदवीधर जाल्ली. बापूय मेले उपरांत घरचे गरिबी खातीर तिका जायती कामां करचीं पडलीं.

जिविताची वाट[बदल]

1920 वर्सा तिका बायलांची मुस्तायकी विख्यात करपाचे जायरतींत भुमिका करपाची संद मेवळी. ग्रेटाचे जायरातीचो पयलो प्रयोग 12 डिसेंबर 1920 ह्या दिसा दाखयलो. मुखार एरिक पेटशलर या दिग्दर्शक – अभिनेत्याकडेन तिची योगायोगान भेट घडली. ताच्या प्रयत्नाखातीरूच ग्रेटान चित्रपटसृष्टींत प्रवेश केलो. पीटर द ट्रॅम्प या चित्रपटात पयलेच फावट तिणे 1922 वर्सा काम केलें. उप्रांत 1922 ते 1924 मजगतीं स्टॉकहोम हांगासल्ल्या रॉयल ड्रॅमॅटिक थिएटरांत तिणें अध्ययन केलें. ह्याच काळांत मॉरिटस स्टीलर ह्या स्वीडिश दिग्दर्शकान तिका दि स्टोरी ऑफ गोस्टा बर्लिंग चित्रपटांत म्हत्त्वाची भूमिका दिली. ह्याच चित्रपटांत तिचें मूळ नांव बदलून ग्रेटा गार्बो अशें दवरलें. अमेरिकेंत ग्रेटा हिणे मेट्रो गोल्डविन मेयर हे कंपनीच्या 24 चित्रपटातल्यान काम केले. तांतल्या द टॉस्त - 1926, फलेश अँड द डेकिल – 1927, लव्ह – 1927, वाइल्ड आँर्किड्स – 1929, ऍना ख्रिस्ती – 1930, माताहारी – 1931, ग्रँड हॉटेल – 1935, ऍना कॅरेनिना – 1935, कॅमिल – 1937, व ननोत्च्का – 1939 हे तिचे मुखेल आनी फामाद जाल्ले चित्रपट. द फेसेट वुमन 1941 ह्या चित्रपटा उपरांत ग्रेटा गार्बो चित्रपट क्षेत्रांतल्यान निवृत्त जाली. 15 एप्रिल 1990 ह्या दिसा तिका मर्ण आयलें.

उपलब्धी[बदल]

3 फावटी श्रेश्ट अभिनेत्रीच्या पुरसकाराखातीर वेचणुक अकादेमी मानादीक पुरस्कार नेश्नल बोर्ड ऑफ रिव्यूय उत्कृश्ट अभिनय पुरस्कार अदर्या शतकांतली श्रेश्ठ अभिनेत्रीचो पुरस्कार 1950 स्वीडीश ऑडर ऑफ द पोलर स्टारची प्रमुख जाली 1983 हॉलिवूड वोक ऑफ फेम 1960 2 फावटी न्यू योर्क फिल्म क्रिटिक्स सरकल श्रेश्ठ अभिनेत्रिचो पुरस्कार.

"https://gom.wikipedia.org/w/index.php?title=ग्रेटा_गार्बो&oldid=174973" चे कडल्यान परतून मेळयलें