तांबा, श्रीधर रामा

विकिपीडिया कडल्यान
Jump to navigation Jump to search

तांबा,श्रीधर रामा (जल्मः21 जून 1923,पणजी,तिसवाडी).गोंयच्या सुटकेझुजारी ताणें लिसेंवाच्या सातव्या वर्सामेरेन शिक्षण घेतलें.तेचपरी कायद्याची परिक्षा दिली.गोंयच्या राश्ट्रवाद्यांचे तो खंयचेच राजकीय संस्थेंत नाशिल्लो.तरी सुटके झुजारी शिरुभाऊ लिमये,मोहन रानडे.दासू चाफडकर.शंभू पालकार,कैष्णनाथ भट.प्रभाकर वैद्य हया मनशांक बंदखणींत सवलती मेळच्यो देखून ताणें अप्रत्यपणान वावर केलो.हाका लागून पुर्तुगेज अधिकाऱ्यांच्या मनांत ताचेविशीं दुभाव उपरासलो.7 ऑकटोबर 1957 ह्या दिसा पोलिसांनी ताका अटक केलो.तशेंच ताच्या घराचेर धाड घालून थंयची राश्ट्रीय पत्रकां जप्त केलीं.[1]

हेग न्यायालयांत वापरपाखातीर,दादरा आनी नगरहवेली संबंदींच्या कागदपत्रांची एक प्रत ताणें भारत सरकाराक दिली असो ताचेर आरोप दवरलो.बेळगांवच्यान वितरावणी जावपी Voz de liberdade (voice of liberty)ह्या रेडिओखातीर गोंयच्या राजकी आनी अर्थीक खबरो पावयल्यो होय ताचेर आरोप आशिल्लो.एप्रिल 1959 ह्या दिसा ताका प्रादेशिक लसकरी न्यायालया मुखार उबो करुन ,तीन वर्सां बंदखणीची खास्त फर्मायली.ऑगस्ट 1960 ह्या काळांत बंदखणींतल्यान ताची सुटका जाली.भारत सरकारान ताम्रपत्र दिवन ताचो भोवमान केलो.




संदर्भ[बदल]

  1. https://wikisource.org/wiki/Page:Konkani_Viswakosh_Vol2.pdf/153