तियात्र अकादेमी ऑफ गोवा

तियात्र अकादेमी ऑफ गोवा ही तियात्राक पोसवण आनी गोंयच्या खाशेल्या लोकनाट्यप्रकाराक तिगोवन दवरपाचो एक प्रयत्न आसा. गोंयांत तियात्र वा तियात्राच्या मळार वावुरपी कलाकरांक आनी लोकांक वाव आनी प्रोत्साहन मेळचे म्हण ही संस्था वावुरता.

वळख

6 जानेवारी 2009 वर्सा Tiatr Academy of Goa वा तियात्र अकादमी गोंया हाची स्थापना जाली. तियात्र गोंयच्या लोकवेदाचो एक म्हत्वाचो भाग आसा. आनी देखून गोंयांत तियात्र वा तियात्राच्या मळार वावुरपी कलाकरांक आनी लोकांक वाव आनी प्रोत्साहन मेळचे म्हण ही संस्था वावुरता. आयज ह्या संस्थेक ६ वर्सा जालीं. ‘TAG’ म्हण हे संस्थेक वळखतात. तांचे मुख्यालय पणजे शारांत आसा. ह्या अकादेमीचो पयलो अध्यक्ष आशिल्लो भौ. तोमाझीन कार्दोझ आनी सद्याचे अध्यक्ष आसात भौ. प्रिन्स जाकोब.

सवलती

ह्या संस्थेखाला खुबश्यो सवलती आसात. तियात्राची परंपरा, ताची उदरगत, संगीत आनी कातारां सांबांळून दवरचीं हो उद्देश ह्या सवलतीं फाटल्यान आस्पावता. सुमार 36 सवलती ह्या संस्थेखाला आसात. हातुंतल्यो कांय सवलती अश्यो आसात.

‘Documentation of Tiatr through Research Work’ː ही सवलत तियात्राच्या मळार संशोधनाक वाव दिता. तियात्राच्या सगळ्या आंगाचो अभ्यास करपाक ही सवलत. नव्या संशोधनकाक 15,000 हजार जाल्यार 20,000 हजार दितात.

‘Oral Documentation of History of Tiatr’ ही सवलत तियात्राचो इतिहास सांबाळून दवरपाखातीर आसा. काळांतरान जावन गेल्ल्या म्हान तियात्रीस्तांचे अणभव तशेंच तांचे योगदान जाणून घेवचें म्हण ही सवलत आसा.