दत्ताराम कामत बांबोळकार
दत्ताराम कामत बांबोळकार हांचो जल्म 9 मे 1956 जालो. ते दामबाब,महालक्ष्मी देवळा लागीं,बांदोडें-फोंडें-गोंय रावतात. १९७९ सावन बॅंक ऑफ महाराष्ट्र हे बॅंकेत काम करता. १९७७ सावन नेमान राष्ट्रमत सुनापरान्त ह्या दिसाळ्यांतल्यान तशेंच कुळागर म्हयानाळ्यांतल्यान कथा उजवाडाक आयल्यात. १९८१ सावन नाटयलेखनाक सुरवात केली. शालेय एकांकीका सर्ती खातीर आतां मेरेन आठ एकांकिकांचें लेखन केलां. तांची धा नाटकां माचयेर आयल्यात. शेणिल्लो गांव, वेदनाघर, सत्य माड्डितां माड्डितां, रंगयात्रीक, डॅडी, ताचे भायर संगीत महिरावण,वीख विखाळटा रथोत्सव, संस्कार, गेमाये, हीं तांची नाटकां कोंकणी रंगमाचयेर गाजल्यात. आकाशवाणीच्या पणजी केंद्रावयल्यान नभोनाटय प्रसारित जाल्यांत. पांच मराठी नाटकांचें कोंकणी नाटय रुपांतर केला.
शिक्षण[बदल]
धेंपे कॉलेज ऑफ आर्टस् अॅन्ड सायन्स, पणजे हांगासल्ल्यान विज्ञान शाखेची पदवी.[1]
उजवाडाक आयिल्लें साहित्य[बदल]
- वनमहोत्सव-एकांकी संग्रह(1989)
- सत्य मांडितां मांडितां - नाटक(1998)
- डॅडी- नाटक(2001)
- तेलदंड- अणकारीत नाटक- मूळ लेखक(गिरिश कर्नाड-2005)
गौरव आनी पुरस्कार[बदल]
- कथा लेखन सर्तीत इनामां लाबल्यांत.
- सात एकांकिक उत्कृ॑ष्ट लेखनाचीं राज्य थरावयलीं इनामां
- 1993-94 वर्साचो स.प्रभाकर शेणवी कुडचडकार नाटय पुरस्कार
- 2002 वर्सा काणकोणां जाल्ल्या साहित्य संमेलनाचे अध्यक्ष
संदर्भ[बदल]
- ↑ वनमहोत्सव-दत्ताराम कामत बांबोळकार, कोंकणी भाशा मंडळ मडगांव गोंय