दामोदर मावजो

विकिपीडिया कडल्यान
Jump to navigation Jump to search

दामोदर मावजो कोंकणीतले एक नामनेचे कथाकार आनी कादंबरीकार. कोंकणी साहित्याक उंचेल्या पांवड्यार व्हरपाक दामोदर मावज्याचें योगदान खूब आसा. हें काम करतना निस्वार्थीपणान केल्ले दिसता. भलायकेचो हुस्को आसतना लेगीत ताणें साहित्य रचना केल्ली पळोवंक मेळटा. फाटली ४० वर्सा वयर दामोदर मावजो हाणी साहित्याची सेवा केल्ली दिसता. आपल्या साहित्यांत ताणी अंधश्रध्दा पयस दवरून लोकांक सुदारपाचे जागृताय करपाचे काम ताणी साहित्यांतल्यान केल्ले आसा. साहित्या वांगडाच कोंकणी चळवळीतय ताचें व्हड योगदान आसा.

जल्म आनी शिक्षण[बदल]

दामोदर मावजो हांचो जल्म १ ऑगस्ट १९४४, दिसा जालो. ताचें भुरगेपण माजोड्डें सालसेत गांवतच गेले. ताच्या बापायचे नांव यशवंत आनी आवयचे नांव लक्ष्मी. ताचें मुळावें शिक्षण माजोड्ड्याच्या मराठी शाळेंत जालें. पुर्तुगेज आनी इंग्लीश भाशेंतल्यान गोंयातूच जालें. उपरांत मुंबयच्या पोद्दार कॉलेजींतल्यान ताणें वाणिज्य शाखेची पदवी घेतली. मुंबय आसतना आंतर महाविद्यालयीन नाटक सर्तींत नाटकां बरोवन तशेंच तातूंत वांटो घेवन आपले साहित्यिक जीणेक सुरवात केली. ताची पयली कथा ‘अशोक’ ही १९६५ वर्सा उजवाडा आयली.थंयच मुंबय शिकता आसतनाच शैला आपटे हे चलयेकडे ताची वळख जाली आनी १९६८वर्सा तांचें लग्न जालें. ताका तीन भुरगीं आसात.


उजवाडाक आयिल्लें साहित्य[बदल]

कादंबरी

  • १९७५ –सूड
  • १९८१ – कार्मेलीन

कार्मेलीन कादंबरी हिन्दी,मराठी,इंग्लीश,पंजाबी,सिंधी,तामीळ,ओरीया,मैथिली आनी हेर भारतीय भासांनी साहित्य अकादमीन उजवाडाक हाडल्या .


कथा झेले

  • १९७१ – गांथन
  • १९७५ – जागरणां
  • १९८१ – रुमडफूल
  • २००१ – भुरगीं म्हगेली तीं

These are my Children नावांन इंग्लीश भाशेंतल्यान क ता प्रकाशनान (नवी दिल्ली) अणकारुन उजवाडाक हाडला.


तांका मेळिल्ले हेर पुरस्कारभोवमान[बदल]

  • १९७३ वर्सा गांथन (पयलो कथासंग्रह) पुस्तका खातीर कोंकणी भाशा मंडळाचो साहित्य पुरस्कार .
  • १९७३ वर्सा गोवा कला अकादमीचो पुरस्कार
  • १९७६ वर्सा जागरणां कथासंग्रहाक कोंकणी भाशा मंडळाचो साहित्य पुरस्कार.
  • १९७७ वर्सा निळें निळें सवणें ह्या नाटकाक बरें नाटय लेखन म्हूण कोंकणी भाशा मंडळाचो पुरस्कार.
  • १९७८ वर्सा काणी एका खोमसाची पुस्तकाक गोवा कला अकादमीचो (भुरग्या वर्सा निमतन) पुरस्कार .
  • १९८३ कार्मेलीन ह्या कादंबरीक साहित्य अकादमीचो पुरस्कार .
  • १९८४ वर्सा आय .सी.सी. आर .चे वतीन एशिया अरब देशांनी भोंवडी केल्या.
  • १९८५ वर्सा अखिल भारतीय कोंकणी साहित्य संमेलनाची यजमानकी (अध्यक्षपद) चलयला.
  • १९८६ वर्सा कोंकणी प्रजेचो आवाजाचे स्थापक वांगडी आनी मुखेल वांगडी आशिल्ले.
  • १९८७ वर्सा दुरदर्शनाचेर फामाद सिरयल एक कहानी हातूंत मनुती वांगडा भुमिका आसा.
  • १९९७ वर्सा पयल्या गोंय फिल्म उत्सवांत शितू फिल्मा खातीर उत्कृश्ट संवाद लेखनाचो पुरस्कार फावला.
  • १९९८ वर्सा मिंगेल्स किन खातीर कथा (नयी दिल्ली) पुरस्कार .
  • २००१ वर्सा कोंकणी भाशा मंडळाचो अध्यक्ष म्हूण निवड जाल्ली.
  • २००२ वर्सा पयलें अखिल भारतीय कोंकणी संगीत संमेलनाचें आयोजन.
  • २००३ वर्सा भुरगीं म्हगेली तीं ह्या पुस्तका खातीर जनगंगा पुरस्कार.
  • २००४ वर्सा सूड ह्या तांच्याच कांदबरीचेर आदारून सूड – एक बदलो हें फिल्म चित्रायलें.
  • २००५ वर्सा आलिशा ह्या फिल्मा खातीर बेस्ट स्क्रिनप्ले पुरस्कार मेळ्ळो .
  • २००६ वर्सा भारतीय लेखक म्हूण चिनाचे भेटेर गेल्ले .
  • २००७ वर्सा खिळी ही कथा नाकाबंदी नांवान एक और कहानी ह्या दुरदर्शन मालिकेंत प्रसारीत केल्ले.
  • २००८ वर्सा गोंय राज्य संस्कृती पुरस्कार .
  • २०११ वर्सा सुनामी सायमन पुस्तका खातीर विश्र्व कोंकणी केंन्दाचो विमला वि. पै साहित्य पुरस्कार फावो जालो.


संदर्भ[बदल]

[1]

  1. कोंकणी विश्वकोश
"https://gom.wikipedia.org/w/index.php?title=दामोदर_मावजो&oldid=177590" चे कडल्यान परतून मेळयलें