नीलम संजीव रेड्डी

विकिपीडिया कडल्यान
Jump to navigation Jump to search
Neelam Sanjeeva Reddy

(जल्म : 19 मे 1913 इल्लूरू अनंतपूर, आंध्र प्रदेश; मरण :1996). भारताचो सवो राश्ट्रपती. पिरायेच्या 14 व्या वर्सासावन ताणें भारताचे स्वातंत्र्य चळवळींत वांटो घेवपाक सुरवात केली. पिरायेच्या 16 व्या वर्सा तो गांधिजीक मेळ्ळो आनी थंयच्यान प्रभावित जावन तो उपरांत गांधीवादी म्हूण वावुरपाक लागलो. मद्रासचे थियोसॉफिकल कॉलेजींतल्यान ताणें उच्च शिक्षण घेतलां. 1931 त शिक्षण अर्द्यार सोडून ताणें आपल्याक पुरायपणान स्वतंत्रता आंदोलनांत ओंपून घेतलो. त्या वेळार गांवागांवांनी सभा घचोवन हाडप हो ताचो मुखेल वावर आसलो. 1936 त ताका आंध्र प्रदेश काँग्रेस समितीची मंत्री केलो. 1904 – 45 मेरेन आंदोलनांनी वांटो घेतिल्लो म्हूण ताका बंदखणीची ख्यास्त भोगची पडली.

भारत स्वतंत्र जाल्याउपरांत 1949 त आंध्राच्या श्रीकुमार स्वामीच्या राज्य मंत्रीमंडळांत ताका मंत्रीपद फावो जाल्लें. 1953 त ताका आंध्र प्रदेशाचो बिनविरोध नेतो म्हूण वेंचून काडलो.

राश्ट्रपतीचे सातवे वेंचणुकेंत निलम संजीव रेड्डी 25 जुलय 1977 दिसा बिनाविरोध राश्ट्रपती म्हूण वेंचून आयलो. उपरांत 25 जुसय 1977 दिसा बिनविरोध राश्ट्रपती म्हूण वेंचून आयलो. उपरांत 25 जुलय 1982 मेरेन ताणें हें पद भुसयलें. भारताचें राश्ट्रपती पद सांबाळपी तो सगळ्यांत ल्हान पिरायेचो. -कों. वि. सं. मं.