प्रेमानंद सांगोडकर
प्रेमानंद सांगोडकर हो एक प्रतिष्ठीत हिंदू तियात्र कलाकार जाणें तियात्र माचये खातीर आपलें म्हत्वाचें योगदान दिलें.
जल्म
[बदल]प्रेमानंद सांगोडकरचो हाचो जल्म 16 एप्रिल 1941 ह्या दिसा जाल्लो.
शिक्षण
[बदल]1957 पुर्तूगेजाच्या काळात ताणें आपले मॅट्रीकेचें शिक्षणमॉडेल (भाटीकार) इंग्लीश माध्यमीक शाळा,मडगांव हांगा पुराय केलें. मागीर ताणे मुंबय विद्यापिठांतल्यान पदवी मेळयली तेन्ना गोंय स्वंतत्र जावंक नाशिल्लें. 1967 वर्सा सावन निर्मला शिक्षण संस्था, पणजी हांगा ताणे बी.एड.ची पदवी मेळयली.
वावर
[बदल]तो एक प्रतिष्ठीत हिंदू तियात्र कलाकार जाणें तियात्र माचये खातीर आपलें म्हत्वाचें योगदान दिलें.1967-1980 मेरेन तो मराठी माचयेचो क्रियाशील कलाकार म्हूण आशिल्लो. त्या उपरांत 2010 मेरेन तो वेवसायीक तियात्र माचयेर वावुरलो.त्या भायर ताणेंऑल इंडिया रेडियो पणजी हांगा 35 वर्सां काम केलां.1962 वर्सा जेन्ना गोंय स्वंतत्र जाल्याउपरांत तो गोंयांत आयलो आनी ताणें स्वताचो छापखान्याचो वेवसाय सुरू केलो. ताच्या उपरांत 1962 वर्सा ताणेंमाध्यमीक शाळेंत शिकोवपाच्या विद्याशाखेंत प्रवेश केलो आनी 1967 वर्सा सावन निर्मला शिक्षण संस्था, पणजी हांगा ताणे बी.एड.ची पदवी मेळयली. ताका 1968 ह्या वर्सा सेंट ऍलोयसियस माध्यमीक शाळा, माजोड्डा हांगा हेडमास्तराची पदवी मेळ्ळी.
1970 वर्सा ताणें शिकोवपाचे सोडले आनी परतून वेवसायांत परतलो . तियात्राच्या क्षेत्रांत नामनेचे दिग्दर्शक जशे एम बॉयर, जासींत वाज, सी. आल्वारीस, प्रेम कुमार , शॅरोन विलमिक्स,मॉयक मेहता, जॉन क्लारो,पैट्रीक दौरादो,मारियो मिनेझीस, आदी. हांणीं ज्यो वेवसायीक तियात्र बरयल्यात तातूंत प्रेमानंदान एक तियात्र कलाकार म्हूण अभिनय केला. फक्त अभिनय न्हय तर ताणे जायत्यो वेवसायीक तियात्र बरयल्यात आनी घडोवन हाडल्यात दिग्दर्शन लेगीत केल्यात. देखीक दोळे धांपचे आदी, वाट चुकली, दुसरो रस्तो, आंकवार आवय, पवित्र दान, आदी.हे तियात्रगोंय,मुंबय,पुणे, सारकील्या शारांत सादर केल्ले. प्रेमानंद तियात्र माचये खातीर वावूरलो ते भायर जायत्या क्षेत्रांनी तो वावुरला. जशें गोंय सरकाराच्या कला आनी संस्कृती मंडळांत सल्लो दिवपी सदस्य म्हूण गोंय राज्याच्या संस्कृती पुरस्कारा खातीर, गोंय राज्य वेंचणी मंडळाचो सदस्य म्हूण , गोंयच्या तियात्र अकादमीचो पयलो नियामक मंडळाचो सदस्य आनी गोमंतक विद्या निकेतन तशेंच कोंकणी भाशा मंडळाचो जिवीत सदस्य आसा. मंडगांवच्या दैवदन्या समाजाचो संस्थापक सदस्य आनी लॉयन्स कॅल्ब, नावेलीं हाचो आदलो अध्यक्ष आशिल्लो . कोंकणी तियात्र सादरीकरणाखातीर तियात्र कलाकार म्हूण तो कुवेत, दुबय,कतार बाहरेन, आदी सारकेल्या विदेशांत आनी भारतांत दिल्ली, पुना, मंगळूर आदी सुवातेर प्रवास केला.
पुरस्कार
[बदल]गोंयच्या कला अकादमी तशेंच जायत्या संस्थानी प्रेमानंदाचो मराठी आनी कोंकणी माचये खातीर गरजे वेळार वावूरला म्हूण ताचो सत्कार केल्लो. ताणेंमराठी आनी कोंकणी नाटकांनी तशेंच तियात्रांनी अभिनय करून जायतीं इनामां जोडल्यांत. 2011-12 ह्या वर्सा तियात्राखातीर गोंय राज्याचे सांस्कृतीक पुरस्कार घेवपी प्रेमानंद सांगोडकर.