फूट(तियात्र)
 |
फूट हें तियात्र फॉस्तो व. द. कोस्ता हाणीं बरयलां.
बरोवप्याची म्हायती[बदल]
फॉस्तो व. द. कोस्ता, हांचो जल्म 2 जुलै 1958 वर्सा साश्टी वाठारांत जालो.मुंबयच्या गोरेगांव हांगा सेंट. प्यूज कॉलेजींत 10 वर्सा कोंकणी शिकोवपी म्हूण वावुरलें. ताणें आपले तियात्र गोंय तशेंच मुंबयंत माचयेर हाडून नामना जोडल्यात. खरो इश्ट, होच तो मनीस, अनुपकारी पूत, दयाळ काळजाचो आनी फूट हें तांचे तियात्र गोयांत तशेंच मुंबयंत खूब गाजल्यात. मुंबय, गोंय आनी पुण्यांत ह्या तियात्राचे सुमार 63 प्रयोग जाल्ले. तोच तियात्र ऑडियो कॅसेटी रुपानूय प्रस्तूत जाल्लो आसा.मुंबयच्या आकाशवाणिचेर भासाभास,मुलाखत आनी भाशणां वरीं तें सदांच आयकूंक येतात.गोंयच्या संस्कृती संगिताचेर आधारीत ताणें खुबश्यों गीत -संगिताच्यो कॅसेटी प्रस्तूत केल्यात.
1983 वर्सा “फूट” ह्या तियात्राक तांका “मॅन ऑफ द इयर” पुरस्कार फावो जालो.तांच्या साबार जिणेंत तें लेखक, शिक्षक, संपादक, प्रकाशक, पत्रकार, नाटककार, संगितकार म्हण वावुरल्यात. तांच्यानी साहित्यीक आनी संस्कृतीक मळार खूब वावर केल्लो आसा.
पात्रां[बदल]
- हास्तेन
- नोरान्हा
- पावलू
- ब्रॅंडा
- रिगो
- लोविना
- रोल्दावं
कथानक[बदल]
हास्तेनाची मोगिका(ब्रॅंडा) एका तोव्याची धूव, नोरोन्हाक ते मान्य आसना आनी ताका दिसता एका तोव्याची धूव तांच्या घरांत सोबचिना आनी देखून तो हास्तेनाक ब्रॅंडा लागी काजार जावपाक दिना.आनी सांगता जर तूं ब्रॅंडालागी काजार जातलो जाल्यार आपूण तुका घराचो, दोवलतिचो वांटो दिवचोना, भिकाऱ्याक वाट्टलो आनी मुंडकाराक घर दितलो. हास्तेन घर सोडून वचपाचे चित्ता. हास्तेन आपली सुटकेस घेवन पावलुचे घरा वता आनी आपणाक थोडेदिसांखातीर आस्रो मागता. पावलू ताका घरांत रावूंक दिता.ब्रॅंडा आनी हास्तेनाचे काजार जाला.
हास्तेनाचो एक्सिडेंट जाला आनी तो घरा उरला. तांच्यानी घेतिल्ले रीण फारीक करुंक जाय आसले म्हण ब्रॅंडा ओवरटायम करताले तें हास्तेनाक खबर नासले आनी तो ताचेर दुबाव घेवूंक लागता, ताका दिसता की ब्रॅंडा आनी रिगो मदी कितें तरी चालू आसा आनी देखून तो ताका सद्दा घरा पावूंक उशीर जावपा फाटले कारण विचारता, जाल्यार तें सरळ ताका आपूण उशीर पावपा फाटले कारण सांगता. लोविनाचो बॉस हास्तेन आनी तें लोविना हास्तेनाच्या मोगान पडला.
हास्तेनाच्या घरा कोण ना ते पळोवन सद्दा हास्तेनाच्या घरा ताची खबर घेवंक येताले. ब्रॅंडा बाबाची फी, दुडू नाशिल्ल्यान भरूंक पावना आनी हास्तेन पर्चेज मॅनेजर आसून लेगीत फी भरूंक शकना हाचेर ब्रॅंडाक आपलीच लज दिसता. ताच्या भिकारपणाक तो ब्रॅंडाक दोशी थारायता. लोविना हास्तेनाच्या मनांत ब्रॅंडा बद्दल वायट ताच्या मनांत भरता. हास्तेनाकूय आता लोविनाचेर मोग जाता. लोविना हास्तेनाक ब्रॅंडाक डिवोर्स दी म्हण्टा, हास्तेन लेगीत ताका वचून विचारता, ब्रॅंडा डिवोर्स दिवूंक तयार जाता पुणून ताका सांगता की आपल्याचेर दोन उपकार कर, पयले- आमच्या पुताक आपूण व्हरतली आनी दुसरे- तूं तुज्या सेक्रेटरीक आमगेर घेवन यो. हास्तेन ताका मान्य जाता. पूण लोविना मात येवूंक तयार नासले, शेवटाक तें येता आनी ब्रॅंडा ताका म्हणटा हास्तेन आपल्याबराबर धा वर्सा रावलो आनी अचकीत तूं मेळे आनी आमच्या संसारात फूट घातली तर अशेंच तुजाय जिवितांत कोणूय फूट घालू येता हे आयकताच तें हास्तेनाक सोडून वता.
संघर्श[बदल]
लोविना आनी ब्रॅंडा मदी हास्तेनाखातीर संघर्श.
हास्तेन आनी ब्रॅंडा मदी जेन्ना हास्तेनाचे लोविना बराबर अफॅर चलिल्लें.