बालचांव

देवनागरी

बाल्चांव एक तिखत गोंयचो (भारता असतंप्त दऱ्यादेगेर) प्रात कसो वर्णन केला जो एक लोणच्या सार्को जावन आसा.^[1] तो गोंयांतल्या जेवणां खाणाचो एक तिखत दऱ्यांतल्या जेवणाचो वो मासाचो प्रात जावन आसा.

जिनस

बाल्चांव एक रांदपाची पद्धत, जो नुसतें, सुंगटां, वो दुक्राचें मास, एका मसाल्यांत आनी पर्मळटल्या तमातांच्या आनी मिर्सांगानच्या ससांत कर्पांत येता.^[2] तो एक लणच्या सार्को आसा आनी तो जायत्याच आदीं पर्तून गरं कर्नासताना करुंक जाता.

पारंपरीक बाल्चांवांत एक खाऱ्या सुंगटांचो खळ वापर्तात जाका कोंकणीत गालमो म्हणटात.

ताच्या जिनसांत सुंगटां, तेल, बारीक कातरललो पियाव, तमातां, लसुणाचो खळ वो लवंगां, आल्याचो खळ वो आलें, सुक्यो तांबड्यो मिर्सांगो, जिरें, सान्स्वां, तिखी, लवंगां, साखर, विनाग्र आनी मीठ हांचो आस्पाव आसता.^[1]

तय्यारी

तय्यार कर्पाची पद्धतिचें वर्णन सांग्ता की पयलीं सुंगटां नितळ करुंक जाय तांचें सूत काडल्या उपरांत, मीठ लावून एका व्हड आयदनांत कुशीक दवरुंक जाय. तांबड्यो मुर्सांगो, जिरें, सान्स्वां, लवंगां आनी तिखी एका सुख्या तव्याचेर पर्मळ येसर भाजुंक जाय. उपरांत तें थंड जावंक दवरुंक जाय. आलें, लस्सूण आनी भाजललो मसालो पिठो विनाग्रीन मेळवन ताचो खळ करुंक जाय. तेल गरं करून, सुंगटां तांतुंत मिसळ करुंक जाय आनी फिरवन दाट जायसर भाजुंक जाय. मागीर, तव्याचेर पियाव भाजुंक जाय. पियाव पुडी रंगाचो जातच, तमातां घालुंक जाय आनी मव जायसर भाजुंक जाय. मसाल्याविनाग्रिचो खळ तांतुंत साखरे आनी मिठा सांगाता घालुंक जाय, ह्या उपरांत तेल, मसाल्यांतल्यान भायर सरो परियांत भाजुंक जाय, सुंगटां घालून हें सगळें २-३ मिनूत रांदुंक जाय.^[1]

बाल्चांव चड करून गरं, साद्या उकड्या शितांत वापर्पांत येता. तो चड काळा खातीर फ्रिजिंत दवरुंक जाता.

इतिहास

भारतांत कातल्क पुर्तुगेज आंनी तांच्या वसाहत कर्पांत आयलल्या वेळार बाल्चांवाची वळख दिवपांत आयली.

कातल्क कुटुंबां घडियेक नारलाची विनाग्र ताच्या आंसाणीक लागून वापर्तात, आनी हिंदू कुटुंबां घडियेक उसाच्या कानडियेची विनाग्र मातशे उणें आंसाणीक वापर्तात. आतां धवी विनाग्र वो माल्त विनाग्र वापर्पांत येता.

हेंवूय पळयात

संदर्भ

↑ ^1.0 ^1.1 ^1.2 "Pickle Style Dry Goan Prawns". The Spruce Eats. Retrieved 2018-10-17.
↑ Amelia Thomas; Amy Karafin (1 October 2009). Goa and Mumbai. Lonely Planet. pp. 60–. ISBN 978-1-74104-894-0. Retrieved 14 August 2012.

[Balchao-1] 1.0 ^1.1 ^1.2 "Pickle Style Dry Goan Prawns". The Spruce Eats. Retrieved 2018-10-17.

[ThomasKarafin2009-2] Amelia Thomas; Amy Karafin (1 October 2009). Goa and Mumbai. Lonely Planet. pp. 60–. ISBN 978-1-74104-894-0. Retrieved 14 August 2012.

[1]

[2]