मधुकर गणेश तळावलीकार

मधुकर गणेश तळावलीकार (जल्म - 11एप्रिल 1931, कुंक्ळ्ळी-सालसेत) सुटकेझुरी. तो आझाद गोमंतक दल संघटणेचो वांगडी आसलो. पत्रकां लावप, वांटप, बेळ्गाव दल संघटणेच्या वावुऱ्यांक पुर्तुगेज सरकाराविशीं खबरो पावोवप असलीं कामां तो करतालो. 13 एप्रिल 1955 ह्या दिसा कुंकळ्ळि पोलीस ठाण्याचेर धाड घालपांत ताचो वांटो आसा. 23 एप्रिल 1955 ह्या दिसा पोलिसांनी ताका धरलो आनी तीन वर्सां खर बंदखणीची ख्यास्त दिली. बंदखणींत ताका खूब त्रासांक तोंड दिवचें पडलें. ते भायर ताका एकांतवासांत दवरिल्लो. भारत सरकारान ताम्रपत्र दिवन ताचो भोवमान केलो.