मारवाडी

मारवाडी मारवाडीचें पुर्विल्लें नांव मरूभास. ही जोधपूर, बिकानेर, जैसलमेर तशेंच सिरोही राज्यांत प्रचलित आसा. अजमेर, मेरवाडा आनी तेचप्रमाण किशनगढ तशेंच पालणपुरच्या कांय वाठारांनीय, जयपूरच्या शेखावटी प्रदेशांत, सिंध प्रांताच्या कांय भागांनी आनी पंजाबच्या दक्षिण भागांत मारवाडी भाशेचो उपेग जाता. हे भाशेचीं प्रकृती ओजपूर्ण आसा आनी तिच्यांत साहित्याची रचनाय जाल्या हातूंत संस्कृत, प्राकृत आनी अपभ्रंशाची उतरावळ मेळटा. छंदा भितर ‘सोरठा’ छन्द आनी राग – रागिनी भितर रागीचे उदाहरण चड मेळटा.