मिताली राज
मिताली दोराय राज हया चलयेचो जल्म 3 डिसेंबर 1982 वर्सा जोधपुर हया गावांत जाल्लो. मिताली एक भारतीय क्रिकेट खेळगडी आनी तेस्त अेंड ओ. दी. आयचे महिला राष्ट्रीय क्रिकेट पंगडाची कर्णधार. ती एक उजव्या हातिन ओपनिंग बॅट्स महिला आनी मदी मदी उजव्या पायी बोलर जावन आसा. मिताली राज एक सवोरच्च धांवड्यो काडपी एक अंतरराष्ट्रीय महिला, मितालीची उचाय 5'4 इन्च (163मी). ती आमच्या भारतीय क्रिकेट पंगडाक खेळटा. अंतरराष्ट्रीय क्रिकेटांत राजाचे जायते विक्रम आसात.बायलांच्या वन डे इंटरनॅशनल (डब्ल्यू ओडीआय) मॅचींनी 7 हजार धांवड्यो वयर काडपी ती एकमेव बायल क्रिकेट खळगडी. वनडेंत सलग सात 50 धांवड्यो करपी ती पयली खेळगडी. WODI च्या चडशा अर्दशतकांचोय विक्रम तिचे कडेन आसा.
जुलय 2021 वर्सा राजान शार्लट एडवर्डसाचो 10,273 धांवड्यांचो विक्रम मोडून बायलांच्या आंतरराष्ट्रीय क्रिकेटांत सगळ्यांत चड धांवड्यो करपी खेळगडी जाली.
सुरवेचें जिवीत
[बदल]मिताली राजाचो जल्म 3 डिसेंबर 1982 दिसा राजस्थानांतल्या जोधपूर शारांत तमिळ भास उलोवपी कुटुंबांत जालो. तिची आवय लीला राज आनी तिचो बापूय डोराय राज भारतीय वायुसेनेंत वॉरंट ऑफिसर आशिल्लो. ती तेलंगणाच्या हैदराबाद शारांत रावता.राज हाणें पिरायेच्या धा वर्सांसावन क्रिकेट खेळपाक सुरुवात केली. हैदराबादातल्या किज हायस्कुल फॉर गल्स, आनी सिकंदराबादांतल्या कस्तूरबा गांधी ज्यूनियर कॉलेज फॉर वुमेनांतल्यान तिणें पदवी मेळवली.हें तिणें आपल्या व्हडल्या भावाच्या बरोबर मुळाव्या शाळेंत क्रिकेट प्रशिक्षण घेतलें.
आंतरराष्ट्रीय कारकिर्द
आंतरराष्ट्रीय कारकिर्द
राजान भारताचे तिनूय क्रिकेट फॉर्मेट: कसोटी, वनडे आनी टी-20 खेळल्यात. 1997 वर्साच्या महिला क्रिकेट विश्वचषका खातीर संभाव्य लोकां मदीं तिचें नांव चोवदा वर्सां पिरायेचेर आशिल्लें, पूण निमाण्या पंगडांत तिका प्रवेश मेळलो ना. 1999 वर्सा आयर्लंड आड युकेंतल्या मिल्टन केन्सांत तिणें वन डे पदार्पण केलें आनी अपराजित 114 धांवड्यो केल्यो. भारतांतल्या उत्तर प्रदेशांतल्या लखनौ हांगा दक्षिण आफ्रिके आड 2001-02 हंगामांत तिणें कसोटी खेळांत पदार्पण केलें. [31] हें .
17 ऑगस्ट 2002 दिसा पिरायेच्या 19 व्या वर्सा तिणें कॅरन रोल्टन हाचो संवसारीक विक्रम मोडलो आनी तिसरे चांचणेंत 209* असो वैयक्तीक चांचणेचो सगळ्यांत चड गूण मेळयलो आनी ब्रिटनांतल्या टॉंटन हांगाच्या काउंटी ग्राउंडांत जाल्ले दुसरे आनी निमाणे चांचणेंत इंग्लंडा आड 214 असो नवो उंचेलो गूण मेळयलो. ते उपरांत हो विक्रम पाकिस्तानाच्या किरण बालुचान वयर काडलो आनी ताणें मार्च 2004 वर्सा वेस्ट इंडीज आड 242 धांवड्यो केल्यो.
दक्षिण आफ्रिकेंत 2005 वर्सा राजान भारताक 2005 वर्साच्या महिला क्रिकेट विश्वचषकांत पयलेच खेपे फायनलींत व्हेलो आनी थंय ऑस्ट्रेलियेक हारलो .दक्षिण आफ्रिकेंत 2005 वर्सा राजान भारताक 2005 वर्साच्या बायलांच्या क्रिकेट विश्वचषकांत पयलेच खेपे फायनलींत व्हेलो आनी थंय ऑस्ट्रेलियेक हारलो. [35] हें .
8 जून 2022 दिसा राज हिणें आंतरराश्ट्रीय क्रिकेटाच्या सगळ्या स्वरूपांतल्यान निवृत्त जाल्ल्याची घोशणा केली.
घरगुती करिअर
[बदल]राज हाणें पूर्णिमा राऊ, अंजुम चोपडा, आनी अंजू जैन हांचे वांगडा एअर इंडिया खातीर ,खेळ्ळी उपरांत रेल्वेंत घरगुती चॅम्पियनशीपा खातीर खेळ्ळी . तिणें बायलांच्या टी-20 चॅलेंजांत सुपरनोवा आनी वेलोसिटी खातीर खेळ्ळा.
प्रशिक्षणाची कारकीर्द
[बदल]राज भारत बायलांच्या राष्ट्रीय क्रिकेट पंगडाचो फलंदाजी सल्लागार आशिल्ली, आनी खेळगडो-प्रशिक्षक म्हण खेळ्ळा.भायले क्रिकेट ती भरतनाट्यम नर्तकी.
लोकसंस्कतायेत
[बदल]2017 वर्साच्या बायलांच्या क्रिकेट विश्र्वचषका उपरांत व्हायकोंम 18 मोशन पिक्चर्स कंपनीन राजाच्या जिविताचो फिचर फिल्म तयार करपाचे हक्क मेळयले.तिणें म्हणलें, “हो सिनेमा चड लोकांक, खास करून तरणाट्या चलयांक खेळाक करिअर म्हण घेवपाक प्रेरणा दिता अशी आस्त बाळगून”.
शुटींग 2019 इस्वेंत सुरू जावपाचें आशिल्लें. राज म्हटलें “म्हाका दिसता प्रियंका चोपडा एक बरी पर्याय जातली (बायोपिकांत म्हाका भुमिका करूंक). आमचें व्यत्कीमत्व खूब जुळटा. हांव सिनेमा मोगी न्हय, देखून तज्ञांनी आपलें काम करूंक म्हाका आवडतलें.” पूण निमाणे तापसी पनूंक शबाश मिठू नांवाच्या बायोपिकांत मिताली राजाच्या भुमिकेंत कास्ट केलो. राहुल ढोलकिया 2020 वर्सा दिग्दर्शीत जावपाचो आशिल्लो. पूण कोवीडाक लागून चित्रीकरणाक कळाव जालो. जून 2021 वर्सा श्रीजीत मुखर्जी हांणी ढोलकियाच्या जाग्यार दिग्दर्शक म्हण काम केलें. हें सिनेमा 15 जुलय 2022 दिसा प्रदशींत जालें.
नोंदी करतात
[बदल] राजाक “भारतीय बायलां क्रिकेटाची लेडी तेंडुलकर” अशे टोपण नांव दिला, कारण सध्या ती कसोटी,वनडे आनी टी-20 सयत सगळ्या फॉमेंटांत भारता खातीर सगळ्यांत चड धांवड्यो करपी खेळगडी आसा.
2017 वर्साच्या बायलां क्रिकेट विश्र्वचषकांत राजान सलग सातवो अर्द शेंकडो केल्लो, आनी खेळगड्यान सलग चड पन्नास धावंड्यो करपाचो विक्रम केलो.
राज हो एकंदरीत 1,000 परस चड वल्ड गूण मेळोवपी पयलो भारतीय आनी पांचवो बायल क्रिकेट खेळगडो धावता.
सलग सगळ्यांत चड बायलांचो एक दिस खेळपाचो विक्रम तिचे कडेन आसा.
2018 वर्साच्या आयसीसी बायलांच्या संवसारीक टी-20 सर्ती वेळार ह्या खेळा कडेन आशिल्ली वृत्ती आशिल्ल्यान मिताली राज क्रिकेट वेवस्थापनाचेर वादांत पडली. बीसीसीआयक बरयल्ल्या पत्रांक तिणें प्रशिक्षक रमेश पोवार आनी बीसीसीआय सीओए वांगडी डायना एडुलजी हांचेर पूर्वग्रहाचो आरोप केलो, आनी टी-20 वल्ड कप सेमीफायनलांत तिचो आस्पाव करनासतना तिका अपमानीत केला. पोवारान परतून राजाचेर टिका केली की ताणें बॅटींग ऑर्डर उणो करपाक सांगतना क्रिकेटांतल्यान निवृत्त जावपाची धमकी दिली. ताणें राजाचेर फुडें “प्रशिक्षकांक ब्लॅकमेल करप आनी दबाव हाडप” आनी हालींच सोंपिल्ल्या वल्ड टी-20 वेळार पंगडांत फूट घालप. ताणें आनीक म्हटलें, “पंगडाच्या बसकांनी उण्यांत उणें इनपुट घालता त्या पंगडां त वरिश्ठ खेळगडी आसून लेगीत. पंगडाची येवजण तिका समजूक आनी ताचे कडेन जुळोवक मेळ्ळें ना. तिणें आपल्ल्या भुमिके कडेन दुर्लक्ष कलें आनी स्वताच्या मार्गदर्शक तत्वां खातीर बॅटींग केलें. गती चालू दवरपाचो उणाव जाका लागून हेर बॅटर्सांचेर अतिरिक्त दबाव येतालो. प्रशिक्षक पोवारानय त्याच सर्तींत आयर्लंड आड राजाच्या 50 धांवड्याचेर टिको केली, जांतूत तिणें 25 खेळे.
टी-20 पंगडाचो कर्णधार हरमनप्रीत कौरा कडेन तिचे संबंद तणाव आशिल्ले. पूण मे 2021 इस्वेंत रमेश पोरावाक भरतीय बायलां च्या क्रिकेट पंगडाचो मुखेली प्रशिक्षक म्हूण परतून नेमणूक केल्या उपरांत दोगांय मदीं समेट जाला. राज आनी कौर हांणी वेगवेगळ्या मुलाखातींत पुष्टी केली की तांचे मदीं वायट रगत ना.
पुरस्कार
[बदल] 2003 वर्सा अध्यक्ष ए.पी.जे.अब्दुल कलाम हाचे कडल्यान अर्जुन पुरस्कार मेळोवपी मिताली राज.
अध्यक्ष श्री प्रणब मुखर्जी हांणी केला मिताली राजाक पद्मश्री पुरस्कार भेटयतना, नवी दिल्ली, 8 एप्रिल 2015
राष्ट्रपती रामनाथ कोविंद हांचे कडल्यान मेजर ध्यान चंद खेल रत्न पुरस्कार मेळ्ळा.
२०१७ | व्होग स्पोर्ट्सपर्सन ऑफ द इयर | व्होगाचो १०व्या वर्धापन दिनाचेर
२०१७ | बीबीसी १०० वुमन |
२०१७ | विस्डन लिडिंग वुमन क्रिकेटर इन द वर्ल्ड |
२०२१ | खेलरत्न पुरस्कार | भारताचो सगळ्यांत म्ह्त्त्वाचो खेळ समान.