मेहदी हसन खान

विकिपीडिया कडल्यान
Jump to navigation Jump to search

मेहदी हसन खान एक व्हड पाकिस्तानी गझल गायक

जल्म आनी शिक्षण[बदल]

ताचें मूळ नांव मेहदी हसन खान. तांचो जल्म राजस्थानांतल्या लूना(झुनझुन जिल्लो) ह्या गांवांत संगिताची परंपरा आशिल्ल्या घराण्यांत जालो. ताचो बापूय उस्ता अझीम खान आनी बापोलयो उस्ताद ईस्माईल खान हे पारंपारीक ध्रुपद गायक आशिल्ले. तांचे कडेनूच मेहदीन ध्रुपद आनी ख्याल गायकीचे. सुरवातीचें शास्रशुध्द शिक्षण घेतलें. मेहदी हसन हांची पिऴगी ही ह्या कलावंत घराण्याची संगीतसाधना करपी सोऴावी पिऴगी. सुरवातीच्या काऴांत बडे गुलाम अली खाँ, अब्दुल करीम खाँ, फैयाझ खाँ आनी पंडीत ओमकारनाथ ठाकूर हांचे गायकीचे संस्कार तांचेर जाले. तांणी आपली पयली मैफल 1935 वर्सा फाऴणीपूर्व पंजाबांतल्या फजिल्का बंगला हे सुवातेर आपल्या व्हडल्या भावा वांगडा गाजयली.

गझल सुरवात[बदल]

भारत-पाकिस्तान फाऴणे उपरांत(1947) तांच्या कुटुंबान पाकिस्तानांत स्थलांतर केलें. थंय तांणी सुरवातीक कांय किरकोऴ नोकर्यो केल्यो, पूण आपले संगीतसाधनेंत खंड पडपाक दिवंक ना. पाकिस्तान रेडियोचेर ठुमरी गायनाची संद तांकां पयलीं 1957त मेऴ्ऴी. उर्दू कविता,रुबायो, गझल हांचें तांकां पिशेंच. ससुराल सिनेमा खातीर तांणी जिसने मेरे दिलको दर्द दिया हें गझल गीत गायलें (1962) आनी पाकिस्तानी चित्रपटसृश्टींत पार्श्र्वगायक म्हणून ते थीर जाले.

पुरस्कार आनी तांचे मरण[बदल]

पार्श्र्वगायक म्हणून तांकां पाकिस्तानी चित्रपटसृश्टींतले सर्वोत्कृश्ट निगार पुरस्कार णव फावटीं मेऴ्ऴयात. परवेझ मेहदी, तल्त अझीझ, गुलाम अब्बास, सलामत अली, अफजल, मुन्नी सुभानी हे तांचे पट्टशिश्य. तांकां वट्ट 14 भुरगीं.तातूंतले तारीक हे अश्टताशी पार्श्र्वगायक आरीफ आनी इम्रान हे शास्रीय तबल्यावादक आसीफ आनी कामरांन पार्श्र्वगायक आनी गझल गायक जाल्यार फैजान गझलगायक. मेहदी हसनाक कराचींत मरण आयलें.

संदर्भ[बदल]

"https://gom.wikipedia.org/w/index.php?title=मेहदी_हसन_खान&oldid=176122" चे कडल्यान परतून मेळयलें