युगांडा

युगांडा आफ्रिका खंडांतलो एक आदलो ब्रिटीश रक्षीत देश. लृलृक्षेत्रफळ २४१,१३९ चौ.किमी. लोकसंख्या १,२६,३०,०७६ (१९९१). विस्तार ४ ७’ उत्तर ते १ ३०’ दक्षिण अक्षांश आनी २९ ३३’ उदेंत ते ३५ २०’ उदेंत रेखांश. देशाचे उत्तरेक सुदान, उदेंतेक केनया, दक्षिणेक टांझानिया आनी खांडा, जाल्यार अस्तंतेक झायरे देश आसात. युगांडा हें नांव ‘बुगांडा’ ह्या विक्टोरिया तळ्यावयल्या स्वाहिली राज्याच्या नांवावयल्यान आयलां. कांपाला हें देशाचें राजपाटण.