योैहान वोल्फगांग फोन

यौहान वोल्फगांग फोन योहान गटे हो अठराव्या शतकाच्या उत्तरार्धांतलो जगव्दिख्यात जर्मन साहित्तीक. योहानालो जल्म फ्रँकफुर्ट हांगासर येका मध्यमवर्गीय कुटुंबांट दि. 28 ऑगस्ट 1749 या दिसा जालो. ताजो बापूय वकील आसलो. तांज्या घरांत व्हडले ग्रंथालय आनी सगल्यांत बरो चित्रसंग्रह आशिल्लो. योहानाले ल्हानपण ह्या पुस्तकांवांगडा गेले. ताजी आवय भौमानेस्त चित्रकार लूकास क्रानाख हाच्या वंशातली. आवयबापायकडल्यान गटेक सामकी बरी सांस्कृतिक जडणघडण मेळ्ळी. कॉनेलिया ही ताजी भयण सोडली जाल्यार गटेली सगली भावा भयण ल्हान पिरायेंतूच देवगेर गेलीं. त्याच्या वाङ् मयात इतरत्र आढळणार्यार बहीणभाऊसंबंधांच्या सूक्ष्म चित्रणाचे मूळ त्यात शोधता येते. सात वर्सा चलील्ल्या युद्दांत फ्रान्सान जर्मनीचो चडसो भाग जिकलो. तेन्ना फ्रेन्च सैन्यावांगडा कांय नाटक करपी कलाकारूय जर्मनींत आयले. तांची चडशी नाटकां गटेन पळेली. 1765 या वर्सा गटे लाइपसिक विध्यापीठात कायध्यच्या अभ्यासाखातीर दाखल जालो. पूण , तीन वर्साउपरांत दुवेत जाल्याकारणान ताका परतूचें पडलें. ताणे फ्रेन्च साहित्त्याचो अब्यास केलो. दुवेंत आसताना ताका किमया, फलज्योतिष. जादू अशा जादू गूढविधांचो खूब्ब नाद लागलो. स्ट्रॅसबर्ग विध्यापीठांतल्य 1771 या वर्सा कायध्याची पदवी घेतल्याउपरांत गटे वकिली करपाक लगलो. अशें आसले जाल्यारसूध्या गटे सामाजिक आनी साहित्तीक कार्यात घुस्पल्लो. द सॉरोज ऑफ यंग वेर्थर ह्या त्याच्या जगप्रसिध कादंबरीक कारण जाल्लो शालर्ट बुफवयल्या असपल प्रेमाचो अनुभवया ताका आयलो. तांजामागीर ताणे साहित्तीक विश्र्वां त आपलें नाव अजरामर केलें. ताणे जेन्ना कालिदासाचे शाकुतल वाचलें ,तेन्ना ते पुस्तक माथ्यार घेवन तो नाचलो. द सॉरोज ऑफ यंग वेर्थर, व्हिल्हेल्म माइस्टर्स आनी फाउस्ट ह्या तीन साहित्ताक कृतींतल्यान ताजे जिवीत झळकता. दि. 22 मार्च 1832 या दिसा ताका मरण आयलें.