राजस्थानी लिपी

लिपीः राजस्थानी लिपी चडकरून देवनागरी लिपी वरीच दिसता.थोड्या अक्षरांचें वंण मातशें वेगळें आसा. पूण दिसान दीस हो फरक उणो जायत चल्ला. ही लिपी रेग ओडून बरयतात. सरकारी वा न्यायालयिन कामकाजा खातीर हे लिपीचो उपेग करतात. पूण वेपारी लोक आपलो हिशेब बरयतना महाजनी वा वाणियावटी हे लिपीचे शेलीचो उपेग करता. हे लिपीच्या अक्षरांक ‘मुडिया’ नांवानीवळखतात. ह्या अक्षरांक मात्रा नासा. ही लिपि एक प्रकरचें शेदटहॅन्डचें काम करता. मुडिया अक्षरांचो सोद मोगल सम्राट अकबराचो अर्थ सचीव राजा टोडरमल हाणें लायलो असो उल्लेख वालचंद मोदीच्या ‘देश के इतिहास में मारचवाडी जातीका स्थान’ ह्या पुस्तकांत मेळटा.