लीला चिटणीस

विकिपीडिया कडल्यान
Jump to navigation Jump to search

लीला चिटणीस लीला चिटणीस हांचो जल्म 9 सप्टेंबर 1909 दिसा धारवाडच्या नगरकर कुटुंबांत जालो. लीला चिटणीस मराठी रंगभूमी वयली आनी हिंदी-मराठी चित्रपटांतली प्रसिध्द अभिनेत्री. तिचे मुळावे शिक्षण नागपूरांत जाले. 1934 वर्सा नागपूर विद्यापिठाची पदवी संपादन केले उपरांत त्याच वर्सा जुलय म्हयन्यांत ‘उसना नवरा’ ह्या नाट्यमन्वंतराच्या नाटकांत मालतीचे भूमिकेंतल्यान तांचो रंगभूमीचेर प्रवेश जालो. ताचे मागीर तिणें आंधळ्यांची शाळा हातुंतूय भुमिका केली.

'वावर'[बदल]

बायलांनी चित्रपटांत काम करप हें ज्या वेळार उणेपणाचें समजताले त्या 1930-40च्या दशकांत उच्च विद्याविभूषित आशिल्ल्या लीला चिटणीसान समाजाचो राग पत्करुन अभिनयाचो मार्ग निवडलो. तिचो घोव सुप्रसिध्द पत्रकार, डाँ. ग. य. चिटणीस हांच्या प्रोत्साहनाखातीर 1935 वर्सा आदर्श चित्राच्या धुवांधार चलचित्रांत तिणें आपली पयली भुमिका केली. मा. विनायक निर्मीत हंस पिक्चर्साच्या छाया (1936) चलचित्रांतले भुमिके खातीर लीला चिटणीस अभिनेत्री म्हणून प्रसिध्द जाली.

1937 वर्सा आयिल्ल्या प्रभात फिल्म कंपनीच्या वहाँ ह्या हिंदी बोलपटांतूय तिणें काम केले.हिंदी चित्रपटांतल्या त्या वेळचो उदयोमन्मुख नायक अशोककुमार हाचे बाराबर तिणें भुमिका केल्यो. लीला चिटणीसान ‘चंदेरी दुनियेंत’ हें आत्मचरित्र बरयलां. 14 जुलय 2003 ह्या दिसा चंदेरी दुनियेंतली ही परी काऴच्या पड्ड्या आड गेली.

संदर्भ[बदल]

"https://gom.wikipedia.org/w/index.php?title=लीला_चिटणीस&oldid=176372" चे कडल्यान परतून मेळयलें