लॅम्बर्ट मास्कारेन्हस
देवनागरी
|
|
लॅम्बर्ट मास्कारेन्हस (१७ सेप्तेंबर १९१५[1] – २७ जून २०२१[2]) गोंयचो एक नामनेचो पत्रकार आनी बरोवपी. तो गोंयच्या एका क्रिस्तांव घराब्यांत जल्मांत आयलो.
खाजगी जिवीत
[बदल]मास्कारेन्हस गोंयांत जल्मल्लो, पूण ताचें मुळावें शिक्षण पुण्यांत जाल्लें आनी उपरांत सेंट झेवियर कॉलेज मुंबयंत फुडलें शिक्षण घेतलें. डॉ जोली मास्कारेन्हस हाचेकडेन ताचें लग्न जालें. ताका चार भुरगीं आसात. ताणें प्रण घेतिल्लो की तो गोंय मुक्त जाल्ल्या उपरांतच लग्न जातलो. आनी ह्या खातीर गोंय मुक्त जाल्या उपरांत धा दिसांनी २९ डिसेंबर १९६१ वर्सा तो लग्न जालो.
पत्रकारिता
[बदल]मुंबयच्या मोर्नींग स्टेंडर्ड हांगा ताणें पत्रकार कसो आपलें काम सुरू केलें.बोम्बे सेन्टिनलांत ताणें उप संपादक कशें काम केलां.तो नवहींद टायम्साचो वरीश्ट संपादक जावन गेलो तशेंच गोवा टुडे हाचो पयलो संपादक. ताणें बोम्बे क्रोनिकल, आनी ओनलुकर हातूंतय काम केल्लें आसा.
स्वातंत्र चळवळींत योगदान
[बदल]भारताच्या स्वातंत्र चळवळींत ताणें खूब योग्दान दिलां. गोंयच्या मुक्तीक समरपिल्लें द गोवन ट्रिब्यून बरयलां. हांगा आसतना ताणें पुर्तुगेजां आड जायते लेख बरयल्यात.ताच्या ह्या लेखांक लागून ताका गोंयांत येनाबरोबर घरून जेलींत घातिल्लो.
पुस्तकां
[बदल]ताणें जायतीं पुस्तकां बरयल्लीं जातूंत सोरोवींग लाय्स माय लॅंड (१९५५) हाचोय आसपाव जाता. ताचे हेर कांय पुस्तकां मदीं 'द फस्ट सिटी' (१९४३), 'इन द वुम्ब ऑफ साव्दाद'(१९९४), 'द ग्रेटर ट्रॅजडी'(१९९८), आनी 'हार्टब्रेक पेसेज'(२००९) जावन आसात. ताणें गोंयचे सुटके खातीरूय जायतो वावर केल्लो आसा.[3]
पुरस्कार
[बदल]२००४ वर्सा ताका पत्रकारिते खातीर लक्ष्मीदास बोरकर मेमोरियल पुरस्कार फावो जाला. तशेंच ताका गोमंत विभुशण पुरस्कार फावो जाला.
पळेयात न्याळ
[बदल]संदर्भ
[बदल]- ↑ Narayan, Tara (11 September 2004). "Goans must be disciplined and hate nobody: A dialogue with Lambert Mascarenhas". Independent Goa Observer. Archived from the original on 13 August 2014.
{{cite web}}: CS1 maint: unfit URL (link) - ↑ "Veteran journalist Lambert Mascarenhas dies at 106". The Navhind Times (in अमेरिकन इंग्लीश). 2021-06-27. Archived from the original on 2022-07-28. Retrieved 2022-07-28.
- ↑ "Lambert Mascarenhas to get Gomant Vibushan". The Times of India (in इंग्लीश). 2014-05-30. Retrieved 2022-07-28.