वापरपी:Deeksha halankar
जल्म आनी शिक्षण[बदल]
अशोक कामत हांचो जल्म फोंडें तालुक्यांतल्या मडकय गांवांत ३ डिसेंबर १९४० वर्सा जालो।मुळावें शिक्षण मडकय जालें।माध्यमीक शिक्षण कुडचड्यार धी न्यू एज्युकेशनल इंस्टीट्यूट हे शिक्षण संस्थेंत जालें।इंटर आर्टसमेरेनचें शिक्षण एक्सटर्नल पद्द्तीन जालें।तांणी प्रयाग विश्वविद्यालय हिंदी साहित्य विशारद हें पदवी मेरेनचें शिक्षण घेतलां.
१९६४ ते २००० मरेन सर्वोदय एज्युकेशनल सोसायटी हायस्कूल,कुडचडे हांगा तांणी विद्यादानाचें काम केला.
तांचें आता मेरेन म्हजी भूंय म्हजो मोग,अशोकांकी,कोण कोणाचो न्हय हे एकांकी संग्रह।अशोकथा हो कथासंगह,जिवीत बिंबा हो कविता संग्रह,बंदखणीचीं देवळा जालीं आनी एक सांज अमुरपिकी हीं दोन नाटकां,घणाघाय नियतीचे ही कादंबरी उजवाडाक आयल्या।बालसहित्यांत तांणी सूर्यपूत सुभाष हें भुरग्यां खातीर पुस्तक बरयलां।तांणी कांय गितांय बरयल्यांत।तांणी कोंंकणी नेमाळ्यांनीय बरप केला. हेर वावर
हेर वावर[बदल]
- ताणी केल्लो हेर वावरुय लक्षांत घेवपा सारको आसा.
- तांणी राज्य शिक्षण संस्थेच्या पाठ्यपुस्तक समितीचेर वांगडी म्हूण काम केला.
- कुडचडें कला साहित्य केंद्राचे अध्यक्ष आशिल्ले.
- कोंकणी भाशा मंडळाचो वावुरपी समितीचे वांगडी आशिल्ले.
- गोवा कोंकणी अकादेमीचे नाटक सामितीचे वांगडी आशिल्ले.
- ते १८व्या अखील भारतीय कोंकणी भारतीय कोंकणी साहित्य संंमेलनाचे स्वागत समितीचे अध्यक्ष आशिल्ले.
- कुडचुडयार वेगळे क्षमतेच्या भुरग्यां खातीर सरकारी पालवान स्कुलाची स्थापना करपाचो म्हत्वपूर्ण असो वावर तांणी केला.
- गोवा कोंकणी अकादेमीचे कोंकणी कोणाचो हे लेखक डिरेक्टरीचेम संकलन तांणी केलां.
पुरस्कार[बदल]
- केंद्रीय साहित्य अकादेमीचो पुरस्कार.
- जनगंगा पुरस्कार.
- कला अकादेमी साहित्य पुरस्कार.
- कोंकणी भाशा मंडळाचो साहित्य पुरस्कार.
- टी.एम.ए.पै फांवडेशन ऑप्रिसियेशन पुरस्कार.
- कला अकादेमी एकांकी लेखन पुरस्कार.
संधर्भ[बदल]
- ↑ अशोकथा-बरोपी अशोक कामत. पयली उजवांडावणी 03 डिर्सेबर,2000