वापरपी:Isidore Dantas1/sandbox

Kuddchoddem ek xar ani nogorpalikechem monddol jem Goenchea ani Kepem talukecho ek bhag zavn asa.Kuddchoddem ani Sanvodd’ddem him zunvlli xaram Zuari Nhoimchea donui vattantlim asat. Ek favo-purtem xar asun tika zaitinch hospitalam asat (tantunt Sorkari Prathmik Bholaike Kendracho aspav asun), iskolam, ek pulis thannem, benk, ATM, ek relve sthan, bore zullpi roste, ek bazar, devosponnache zage, hottelam, ek khellpa moidan, ek vijecho kendr ani ek nattok ghor asat.

Onukromonnika

1 Bhugol
- 1.1 Hovaman
2 Loksonkheaxastr
3 Proxason ani Kaido
4 Orthvevostha(Adincho veapar ani ud’deg)
5 Sonvskruti
6 Xikxonn
7 Khell
8 Ieradari
- 8.1 Vareachi
- 8.2 Reilichi
- 8.3 Rosteachi
9 Poriotton ani akorxonna
- 9.1 Thollave bhonvdde zage ani laginchea xaracho vatthar:-
10 Poriavoronnache vixoi
11 Nanvadik lok
12 Henvui polloi
13 Sondorb

Bhugol

Kuddchoddem 15°15′37″N 74°06′30″E hangasor asa ani tachi sorasor unchai 13 metr (43 ft) asa.^[3] Ugem ani Guleli nhoimchi mellpachi suvat Sangem vo Songom haka Zuari nhoim mhonn vollkhotat. Ti ut’tor ostompt Sanvodd’ddem poriant dhanvta. Fuddem, ti ostomptek KHUXAVOTI NHOIM poriant dhanvta ani XELLVONNA-k melltta. Uprant ti portun apli dixa ut’tore vatten bodolta jen’na ti Ponchvaddi pavta ani Rachol poriant vhanvta. Porot ti ut’tore vislean Borie vhanvta ani fuddem ut’tor-ostomptek Rasaim Durbhatt poriant ani xevttim Orbi doriantt veta zoim ti Murganvank melltta. Ti Goenchea jil’leant 67 kilometr provas korta.

Hovaman

Kuddchoddem haka ek uxnno pavsalleacho hovaman asa. Kuddchoddencho hovaman gimalleant gorom ani hinvalleant ekech torecho zavn asa. Gimalleant ( Mars tem Mai) tapman 32 °C poriant veta ani hinvalleant ( Dezembr tem Fevrer) chodd korun 25.8 °C ani 20 °C bhitor asta. Pavsalleacho kall Junh tem Setembr asa zantunt musollamdharecho pavs ani nettachea vareacho aspav asta, Sorasori pavs 2699 mm (106.24 inch) asta.

Loksonkheaxastr

[lipoi]Lokvostechi vadd ^[4]
Lokgonntti	Lok..	%±
1991	18,489	—
2001	21,407	15.8%
2011	22,730	6.2%

Bhartachea 2011 India lokgonnttent,^[5] Kuddchoddem Kakodda hankam 22,730 lokvosti asli. Lokvosteche 51% dadle tor 49% bailo. Kuddchoddem Kakodda haka sorasorichi sakxorta85%, ji raxttrik sorasorichea74.04% von odik asli: dadleanchi sakxorta 92.57% ani bailanchi sakxorta 84.97% asli. Lokvosteche10.54 %, 6 vorsanchea piraie khala asli.

Proxason ani Kaido

Xar vaddeamnim vibhagla zoxe porim Ponttemol, Morailem, Bansai, Kariamoddi, Shirfod, Bepkegal, Madhegal, Kakoddaa, Dabhamoll, Kamral, Khamamoll,Baga-Kuddchoddem ani Kakkumoddi. Nogorpalikent dor vaddeak vinchlolo vangddi asa,Vangddi nogorpalikechea iezmanank vinchun kaddttat.

Xar Goenchea Vidhan Sobhek ani Lok Sobhek protinidhi dhaddta ani Dokxinn Goenchea vidhansobhecho bhag zavn asa. Sod’deacho amdar Nilesh Cabral zo Bharotia Jonta Pokxacho zavn asa.

Kuddchoddenchem Uzo Palovpi Doll

Kuddchoddem hanga ek pulis thannem asa jem Kuddchoddem xar ani lagxilea ganvanchi seva korta. Kuddchoddem hanga ek vhoddlem uzo palovpi doll asa jem Chandor, Kuddchoddem, Sanvodd’ddem ani Kepenchi seva korta. Uzo palovpi dollak ek akantachea vellar vanchovpachi soi asa, don vhoddlim udkache nividar ani ek rokhddem vaporpachem vahon asa. Tiche kodden 40 tem 50 ujeacheo nivida asat..

Orthxastr(Adincho veapar ani ud’deg)

Zuari nhoim zoxi ti dograntlean vhanvta ti hea ganvank don bhagamni bhagakar korta ek ut’tori bhag zaka Sanvodd’ddem ani dokxinnecho bhag zaka KUDDCHODDEM mhonn vollkhotat. Hi nhoim hea xarak borkot haddunk porinnamok asa, zoim lhan vhoddim poinnareank, mhal ani vepar lhan dhokeancher zoxe porim Khamamoll Ponnje , Pornnem Goem savn adi pavoitat. Tech porim lhan lakddache vanxe, mitth, torkari adi hea dhokeacher pavoitat. Murganv savn reli marg Londda vochpi Kuddchodem, Kalai, Kullem pasar zata zo 1880 vorsa ghatlolo zache vorvim hea zageachi borkot zavnk pavli..

Hea zageacho mukhel orthik vevhar min zavn asa. Zaiteoch minacho komponi Kuddchoddeant asat. Hea zageacho minacho santtho Goenchea komponencho asa zoxe porim Sesa Goa (novem nanv Sesa Sterlite Ltd), Dempo(atam Sesa Resources Ltd), Timblo, Salganvkar, Fomentos Minescape, Agencia Mineral Maritima,Agarwal, Bandekar, adi. Hea zagear ravpeancho rozgar minachea ud’degacher nitt vo add vatten adarolo asa. Xarak ek ud’degachi vasahot asa jika Kakoda Ud’degik Vasahot mhonn vollkhotat. Tantunt zaitech ud’deg aspavtat.

Sonvskrutai

Kuddchoddem xarant zaitech devosponnache zage asat zanchim nanvam Marutigodd, Gonnpoti devull, Sateri devull, Purushmharu devull, Mhadev devull, Rakhnno dutachi Igorz ani Jama Mosjid. Xarant Xigmomhotsov ponchangachea survatek somorpitat ani halim Intruzui somorombhant aila. Zatrek zaitech bhokt hanga ietat..

Kuddchoddenchem Ravindra Bhovon

Halinchea kallacho kolecho vosro zaka RAVINDRA BHOVON nanv dilam,to kola ani sanskrutaiechi udorgot korpak Kuddchoddeant bandpant aila. Hem bhovon Kuddchoddem Sangenchea rostear Marutigoddachea paim-a khala asa.Nattkam utsov, tiatr utsov, Songit NattokMhautsov, Tiatr kariaxall, bhurgeank kolechem xibir, bailanchea udorgoticheo karriavolli, vegllea toranchea lok kola ani songitacheo karioxalla, Natalanchea gitanchi spordha, kovali, Sonvsarik Nattkam dis, Xikxonnik kaiavolli, Bholaike ani Kaideacher zagrutaiecheo kariavolli, Fottvancheo karioxalla Konknni Nattkancheo spordha, Xiv Joionti, Xikpeancho dis oxeo kariavolli Ravindra Bhovonant sodankal kortat. Ravindra Bhovon Kuddchoddem cho vistar korpak ievjila, sodheachea zagea fattlean jem ievjiloleam bos sthana boglek astole. BHAG II hantunt novo vosro 299 boskancho astolo 2000 boskenchem , bodami prekxokghor ani Gurudev Ravindranath Tagore hache murticho aspav astolo.^[6]

Xikxonn

Xarant bori xikxonnachim iskolam asat. Famad asat tim The New Educational High School, Sarvodaya Educational Society, Guardian Angel High School, Smt C T Naik High School, Our Lady of Perpetual Succor Convent School, Shree Saraswati Prathamik Marathi Vidhyalaya, Fr.Agnelo Primary School ani novem bandlolem Cambridge iskol.

Don unchlea madheomik xikxonnachim iskolam Guardian Angel Higher Secondary School ani Smt. C.T.Naik Higher Secondary School zavn asat.

Xarant ek Management iskol asa jem Guardian Angel High School cholovpi sonvstha choloita. Ek ITI (Ud’degik Proxikxonnachi Sonvstha) l Kakodda bhagant asa. Ek kolej asa ji tontrvidhealoichea dakhlea khatir xikpeank toiar korta jika Government Polytechnic, Kuddchoddem (GPC) nanvan vollkhotat ji zaiteach xikxonnik vibhag hatalltta.

Sanjay School for Special Children hem Pontemol bhagant urta. Fr.Agnelo School of Music and Performing Arts hem Pilarche padri choloitat jem hea zageachea xikpeancheo songitacheo gorzo bhagoita.

Pilarchea padrimnim mhotvacho vavr hea zageachea xikxonnik mollar kela. Guardian Angel educational Complex 3000 odik xikpeancheo gorzo ball xikxonn tem hottel management poriant podvi mellonvk toiar korta.

Khell

Kuddchoddeant SAG Sports Complex bhou gorzancho khellacho vosro,veaiamsall ani krikett khella moidan asa . Xarant ek futtboll khella moidanui asa.Goeant her kodden asa toxem, futtboll ek chodd lovkik khell Kuddchoddencho asa. Guardian Angel Sports Club zo Goa Professional League hantunt khelltta to Kuddchoddencho zavn asa.

Anik ek khella Complex ievjilam jem Kuddchoddem topal ghora fattlean ievpachem asa. Hea prokolpant Badminton, Basketball (Bhitorle ani bhaile vosre), Squash, Volleyball (Bhitorle ani bhaile vosre), Table Tennis, Billiards & Pool, Chess ani Carrom, Penvop (IBhitorle ani bhaile penvpa tollim spordhechim tollimcho aspav asun), Fitness Centre, Rock Climbing Wall, Running Track (Bhitorlem), Tennis Courts, Cricket Practice Pitches (Bhitorlem ani bhailem), Prodorxonnachi agaxi ani kariaxallo, Vachnaloi ani vachpa ghor, Bhovsacheo bago ani bhurgeank khellpacho zago, Jogger’s Track, Skating Rink.

Ieradari

Vareachi

Laginchem vimantoll Dabolli Vimantoll asa jem hangachean 32 km lambaier asa.^[7]

Relichi

Kuddchoddem reli sthan Goenchem pornnem relve sthan zavn asa. Kuddchoddem reli sthan South Western Railway hachea khal ieta.Hollddonnchea. Tome Caetano de Costa,eka Katolk thovoiak hi rull ani tech porim Curchorem-Sanvordem relevechem sthan 1880 vorsa ghalpak sangpant ailolem. Ek mukhel reli rullacho Murganv tem Kollem kontrador Xri. Cosme Damiao Noronha ani tacho up-kontrador Tome Caetano de Costa zavn asle. Kuddchoddem-Sanvodd’ddem datt zonglamni ani ranvotti zonvaramni bhorlolem aslem jea vorvim lok Sanvodd’ddeak Goenchi bhaili xim oxem somzotalo.Purtugez sorkaran Brittix sorkarak relve RULL suru korunk vinoilem.. Tem ek chodd avghodd kam aslem kiteak dongor katorpak zai asle, bogdam khonnunk zai aslim ani datt zongol nivoll korpak zai aslem.

Roste

Kuddchoddem rostea vorvim Moddganv, Fonddem, Kepem ani her Goenchea xarank zoddpant ieta.

Poriotton ani Akorxonn

Thollaveo bhonvddeo ani xara lagsorchem pollovp:

Salaulim Dhoronn,sumar 10 km Kuddchoddem savn asa. Soglleant Goenchem vhoddlem dhoronn zantunt nisorgik udhean ani ek vonospotichem udhean Moisurchea Brindavan Udheanacher adarit asa.
Dudhsagar Dhobdhobo, sumar 22 km Kuddchoddem savn ek dekhaveacho dhobdhobo. Ho zago koxttanchea provaseank kherit poriai dita. Hea zageak bhett divop Pavsalleachea uprant chodd boro vell zavnasa.
Lagincheo vello: Kolva Vell, Bannavlli Vell, Majorda Vell, Betalbatim Vell, Betul Vell, Canaiguinim Vell, Agonda Vell, Rajbag Vell, Polem Vell.

Poriavoronnache Vixoi

Xar Dokxinn Goenchea minachea ud’degacho ek mukhel zago zavn aa. Relve sthan ek motto min choddovpacho zago laginchea minantlea minacho. Hem min vhorpak ttrokancho upeog korpant ieta je xarantlea rosteantlean choddche vetat jea vorvim dhull ani avazachem produxon zavnkpavta ani vahatukekui addkholl haddtta. Hea khatir xarant thoddi nagrik uchambollai zata. Atam hem addvea margantlean vhorpak ievzonn asa..

Nanvadik lok

Goenkar futtbol khellpi Alvito D'Cunha hanga xikla ani ravlolo asa.

Henvui polle

Sancho:Kuddchoddem bhonvtim zage

Sondorb

· http://www.goanconnection.com/goa-news/curchorem-municipality-gets-new-chairperson-and-deputy

· · http://www.goanconnection.com/goa-news/curchorem-municipality-gets-new-chairperson-and-deputy

· · Falling Rain Genomics, Inc - Curchorem

· · http://www.citypopulation.de/India-Goa.html

· · "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2008-11-01.

· · http://www.ravindrabhavancurchorem.org/wp-content/uploads/2016/02/RAVINDRA-BHAVAN-PH-II.pdf

7. · "Airports Authority of India". Aai.aero. 2011-09-21. Retrieved 2012-05-09.

Categories:

Cities and towns in South Goa district