वापरपी:Isidore Dantas1/sandbox1
Konknni Cholchitram[बदल]
Poilem Film[बदल]
Mogacho Anvddo[बदल]
Hem Konknniche poilem film zavn asa. Tem 1950 vorsa Abrilache 24ver nirmovpant ailem zacho prostuti Alfred Braganza zavn aslo.Tem ETICA filmsachea bavttea khala toiar zalem.He komponeche bhagidar choddxd Musolman bhav asle. Hea filmanchi kolpona Alfred Braganzak koxi aili tem polleat. To film komponent kam kortalo. Aplea mekllea vellant Mumboichea Marine Drive vibbhagant pasoi martana taka Inglix ani Hindi filmanche toktte ani vonntti potram soglleak dixtti poddttalim. Tanchea monant ek vichar ailo, Konknni film kiteak kaddunk zaina? Oxi kolpona monant dhorun tannem aplea guru L M Ratus hachi bhett ghetli ani tacho adar maglo. Filmachea kolakaranchi nivodd korunk zai asli.Tor tannem ten'na uzvaddaitolea The Goa Times potrachea kocherint vochun ek jairat ghatli ani konnank novea Konknni filmant bhag ghevnk zai zalear kollovnk sanglem.Punn konnachich zap ienvk na tem pollovn to niraxi zalo.
Mukhel Nottichi Nivodd[बदल]
Tea kallar ek Hindi ani Inglix filma vitoronn korpachi ek pordesantli komponni asli zoim Leena Fernandes eka receptionistachi nokri kortali. Tika tannem hea vixim vicharlem ani tika kantar korpak ieta ani Konknni ulovnk zanna tem pollovn tichi nivodd keli.
Songitkar[बदल]
Tea kallar Mumboint zaitecch Goenkar songitkar asle je hottelamni ani kazarank vazoitale. Tor songitkar mellpak avhodd zavnk na.