विराट कोहली
विराट कोहली हांचो जल्म 5 नोव्हेंबर 1988 उत्तम नगर दिल्ली शारांत एका पंजाबी हिंदू कुटूंबांत जालो, तांकां "चीकू" ह्या नांवान लेगीत वळखतात. तांच्या आवय-बापायचें नांव सरोज आनी प्रेम कोहली,तांची आवय गृहिणी आनी बापूय वकील जावन आसा. विराट कोहली आपले शिक्षण विशाल भारती पब्लिक स्कूल हांगा बरावी मेरेनूच केल्लें, तांकां एक भाव आनी भयण आसा. विराट कोहली हांणी 2017 ह्या वर्सा अनुष्का शर्मा ह्या बॉलीवुड अभिनेत्री वांगडा लग्नाची डोर बांदल्ली. हे एक टॉप ऑर्डर बैट्समैन जावन आसा. भारता टीमीचे आनी आईपीएलांत रॉयल चैलेंजर्स बैंगलोर ह्या टिमींचे ते कॅप्टन जावन आसले.
विराट कोहली हो एक नामनेको क्रिकेट खिलाड़ी आनी भारतीय कप्तान लेगीत आसलो. ताकां खूबशे पुरस्कार क्रकेटिचा मळार फावो जाल्यात देखीक पद्मश्री 2017, अर्जुना अवार्ड फॉर क्रिकेट 2013, विजडन क्रिकेटर इन द वर्ल्ड 2017/18, सिर गारफील्ड सोबर्स ट्रॉफी 2018, आईसीसी ओडीआई प्लेयर ऑफ द ईयर 2012, खेल रत्न अवार्ड 2018 आनी हेरूई आसा.
कितलेशेच पुस्तकां तांचेर बरयल्लीं आसा जशें की विराट कोहली: बेस्ट इन द वर्ल्ड , ड्रिवन द विराट कोहली स्टोरी , विनिंग लाइक विराट कोहली: थिंक एण्ड सकसीड लाइक कोहली ,द लाइफ एण्डटाइम्स ऑफ विराट कोहली ,विराट कोहली: द रन मशीन, विराट: द मेकिंग ऑफ अ चैंपियन हीं कांय पुस्तकां तांच्या नांवान उजवाडाक आयलीं आनीकय जायतीं हेर आसा.
विराट कोहली हाणीं पयलेच फावट आपलें पावल क्रिकेटींत 2008 ह्या वर्सा मारलें. हे एकटेच अशे खिलाडी जाणी पयल्याच फावट वर्ल्डकप खेळून एक शतक ताणी काडले. विराट कोहली हे सचीन तेंडुलकर हांकाच एक आदर्श आनी गुरू म्हूण मानतात. विराट कोहली हांच्या जर्सीचेर 18 हो आंकडो आसा ताचें एक कारण आसा आनी तें म्हळ्यार तांचो बापूय 18 दिसंबर 2006 सोपून गेल्ले तेन्ना विराट कोहली हे 18 वर्साचें आसले आनी हाका लागून हो 18 आंकडो तांकां खूब मनापासून लागींचो जावन आसा.विराट कोहली आपल्या जिवीतांत 96 टेस्ट , 254 ओडीआई , 91 टीट्वेंटी खेळिल्ले आसा. विराट कोहली हो एक येश्सवी खिलाडी आख्या देशांत म्हूण वळखूक जाता. विराटजी हो मुखेल रन काडपी संख्यात आसा जंय पन्नासा वयर ताणी रन घेतल्या टीट्वेंटींत, जंय 319 रन आनी 4 पन्नास वयर रन जोडल्या 2014 ह्या वर्ल्डकपांत. विराट कोहली हांकां "आईपीएल घोड"( IPL God) म्हूण लेगीत वळखतात कारण ताणी 6076 रन 199 मॅचींत घेतल्या इतलेंच न्हय हे एकटेच क्रिकेट खिलाडी जाणी 900 रन प्रतेक सीजनान घेवन यश मेळिल्लें आसा, तांकां आईपीएल किंग लेगीत म्हूण पाचारतात.
विराट कोहली हे ल्हान तशेंच व्हड भुरग्याचें आवडटी , तांकां भुरग्यावांगडा खेळपाक आनी उलोवपाक खूब आवडटा, तांकां आयज-कालची युवा पिडी मुखार सरुन कोण व्हड मनीस जावप आनी जाता तितलीं भुरगीं क्रिकेटांत येवचीं म्हूण तो आशेता. ताच्यां सभावाचेर नदर मारल्यार कळून येतलें की क्रिकेटांत लेगीत ते नव्या उत्पन्न जाल्ल्या क्रिकेटरांक मुखार काडून तांकां खेळपाक लायता येदें व्हडलें बलिदान , आपूण एक व्हड क्रिकेटर आसन लेगीत आनी लोकांचे आपल्या कडल्यान अपेक्षा आसून सुदां हें बलिदान दिवप एक व्हड अभिमान भोगता. खिलाड्यांक प्रेरीत करप, मार्गदर्शन दिवप, उत्सूकताय वाडोवप , आदार करप हें सगळें भेस बरें तरेन विराट कोहली हांकां कळटा.
विराट कोहली हांकां क्रिकेटा सिवाय दुसऱ्या पांवड्यार फुटबॉल आवडटा अशें ताणी सांगिल्ले आसा. 2014 वर्सा सावन इंडियन सुपर लीग(ISL) ह्या पांवड्यार एफसी गोवा ह्या टिंमीचे ते सहधनी जावन आसा. हें क्लबाक ताणी आपलें योग्दान दिल्लें हांचें कारण म्हळ्यार तांकां मोट्या प्रमाणांत फुटबॉल भारतांत मुखार गेल्लें जाय आशिल्ले, ते मुखार अशेंय म्हण्टात की हो म्हाका एक वेपार उद्देग भविश्य खातीर कारण क्रिकेट सदांच कांय आसची ना, एकांत (retirement) जाल्या उपरांत, आपूण सगळे वेंचणी उगती दवरतां. 2015 ते सहधनी इंटरनेशनल प्रीमियर टेनिस लीग फ्रेंचाइज UAE, रॉयस आनी दिसंबर प्रो रेसलिंग लीग बेंगलुरु योगधास फ्रेंचाइजाचे सहधनी जाले.
विराट कोहलीन 2015 वर्सा रु 900 मिलियन मोडून भारतांत देशभर जिम (gym) बांदले. 2013 ह्या वर्सा विराट कोहली दान भेटोवपाचे संघटनाची उजगातन केल्लें आनी त्या बुन्यादीचे नांव विराट कोहली फाउंडेशन (VKF) अशें घोशीत केल्लें. ह्या आयोजनाचो मोख: जीं कोण र्दुबळ ल्हान भुरगीं आसात तांकां अर्थीक आदार दिवन तांचे भविश्य परजळीत करपा खातीर हें दान संघटना उगडली. कोहलीजीन "ऑल हार्ट फुटबॉल क्लब" ह्या टिमीचे ते धनी VKF ह्या वतीन जाले जंय हे सगळे पयशे जे भितर सरताले ते ह्या संस्थाक वताले, " ऑल स्टार्स फुटबॉल क्लब" जी अभिषेक बचन एक अभिनेताची टिंम ह्या विरूदी खेळटाली. हे दोन भाग आसले जंय एक टिमींत, ऑल हार्ट फुटबॉल क्लब जंय सगळे क्रिकेटर ह्या टिमींक आनी दुसरे वतीन ऑल स्टार्स फुटबॉल क्लब जंय सगळे अभिनेता खेळटाले. ह्या मॅचीक "सेलिब्रिटी क्लासिको " हें नांव दिलें. ह्या खेळांत जें दान येताले ते अर्नाथ भुरग्यांक वताले. अशीं कितलेशेच समाज सेवाची कामां हया म्हान मनशान केलीं
" जिवीतांत कितेय करपाक मुखार सरता तेन्ना, खऱ्या मनापासून तें कर, खूब त्रास घेवन मुखार सर , फाटीं वळोवन पळयनाका , तेन्नाच तुका फळ मेळटलें"- विराट कोहली.