शततारका

शततारका नक्षत्रगणनेंतलें चोविसावें नखेत्र. हाका शतभिषकू वा शतभिषा अशें आनीक एक नांव आसा. हो एक शंबर तारकांचो मंडलाकृती चोंबो आसा. वरूण ही ह्या नखेत्राची देवता. ह्या नखेत्राचें शततारका हें नांव वेद काळा उपरांतचें आसा.

ह्या नखेत्राचेर जल्मल्ली व्यक्ती कोळी, मडवळ, सोऱ्याचो वा नस्तें विकपाचो धंदो करपी सत्यवचनी, कठोर उलोवपी, धाडशी, अविचारी, स्वतंत्र वृत्तीची, जुगारी, कुमीर्गी, स्त्रीलंपट, हुशार दस्मानाचो नाश करपी अशी आसता, अशें कोंष्ठप्रदीपांत आनी नाक्षत्र फल दिवपी ग्रंथांत म्हळां.

शततारका हें नखेत्र कल्याणप्रद, उर्ध्वमुख, मंदलोचन आसा.