शारदा सावईकार

शारदा सावईकार सुटके झुजारी आसले शारदा पध्माकर सावईकार हांचो जल्म 30 मार्च 1935 दिसा सावय – वर्यां जालो.एसएससी मेरेनचें शिकप घेतले उपरांत तिणें शिक्षण –प्रशिक्षण कोर्स केलो.स्वातं सैनिक मोहन रानडे हाच्या फुडारपणा खाला ती सुटकेझुजाचो वावर करताली.रानडेक अटक जातकच तांच्या लोकां मदीं राष्ट्रीय जागृताय हाडपाचें काम तिणें हातांत घेतलें.

7 ऑगस्ट 1955 दिसा तिणें इश्टिणीं वांगडा सत्याग्रह करपाचे बेत आंखिल्लो.पूण निमाण्या वेळार तिच्यो इश्टिणी फाटीं सरिल्ल्यान ती एकलीच सत्याग्रह करपाक फुडें सरली. पूण आदलया दिसा म्हळ्यार 6 ऑगस्ट 1955 दिसा पुलिसांनी तिका अटक केली.पुर्तुगेजां आड काम करता देखून तिचें घर सोडून काडून पुलिसांनी तिका तिचे भाव आनी भावजयो हांचे सयत अटक केली.

बंदखणींत तिणें आपल्या हेर वांगड्यांची नांवां सांगाचीं म्हणून तिका खूब मार दिलो.उपरांत तिका प्रादेशीक लश्करी न्यायालया मुखार उबी करून न्यायाधिशान ताफी मागूंक लायली.पूण तिणें न्हयकार दिलो.सुरवातीक तिका मडगांवां बंदखणींत धाडली.अधिकार्यांनी तिच्या नांवांत शरद शिरवयकार असो गोंदळ केल्ल्यान तिची सुटका जाली.उपरांत जेन्ना बर्याच दिसांनी तांकां तांची चूक कळ्ळी तेन्ना ती शीम हूपून गेल्ली.सुटकेझुजाच्या काळांत तिका सुमार अडेज वर्सां बंदखणीची ख्यास्त जाली.