शीला कोळंबकार

शीला कोळंबकार ही एक कथाकार.तिणें जायतें कथासंग्रह बरयल्यात,तशेंच जायते कथासंग्रह अणकारीत केल्यात आनी तिच्या बरयल्ल्या साहित्याक जायते पुरस्कार फावो जाल्यात.

जल्म

शीला तुकाराम कोळंबकार, आदलें शीला मर्तो नायक, हांचो जल्म 11 मार्च 1945, गोंयच्या पणजी शारांत जालो. तांचे शिकप गोयांत जालें. गोयांत कायं काळ तांणी शिक्षिका म्हूण काम केलें,आनी ती एक नामवंत कथाकार.

साहित्यीक वावर

शीला कोळंबकार हांच्यानी तेलगू, मराठी, हिंदी, बंगाली, इंग्लिश, पुर्तुगीज आनी फ्रेंच भाशेंतल्यो कथा अणकारीत करून उजवाडाक हाडल्यात.तांच्यानी केल्ले बरोवप म्हणल्यार “ओलीसांज”(1973), “भुंयचाफीं” (1994), ”गॅर्र”(2007), ”कथाशील”(2007) हे कथासंग्रह तशेंच “तेजस आनी ओजस”(1996), ”पंकज”(2005) हे बालसाहित्य. “भुंयचांफी” वाचले उपरांत शीला कोळंबकर हांच्या लेखनाच्यो मर्यादा उक्त्यो जातात. ह्या संग्रहांत नावाजपासारकीं व्यक्तिचित्रणां आसात. व्यक्ति “चित्रणा” परस व्यक्ति दर्शन अशें तांचे रूप जालां. तशेंच ओली सांज ह्या कथासंग्रहांतूय जायत्या व्यक्तिचित्रणांचो आसपाव.

हेर भाशीक वावर

“परजळीत धोल” (बंगाली,1996),”भांगराचे सुकणे”(डोंगरी,2004) ही पुस्तका अणकारीत केल्या.

साहित्यीक भोवमान आनी पुरस्कार

“भुंयचांफी” ह्या झेल्याखातीर तांका साहित्य अकादमीचो पुरस्कार 1997 वर्सा फावो जाला. “ओली सांज" गोवा कला अकादमी,राज्य पुरस्कार,1975 वर्सा फावो जाला.तशेच हेर आनीक पुरस्कार फावो जाल्ले आसात. तांका “भांगराचे सुकणें” पुस्तका खातीर अणकाराचो साहित्य अकादमी पुरस्कार फावो जाला. तशेंच राष्ट्रीय पुस्तकालय,भारत सरकार कोलकाता आनी एँशियाटीक सोसायटी मुंबय चे वतीन मुंबय “मीट द ऑथर “2003.“मिथिला रत्न” अतिविशिश्ट साहित्य-निर्मणी पुरस्कार, तिसरें आन्तराष्ट्रीय मैथिली संमेलन 2006. सॅमसंग इलेक्ट्रोनीक्स आनी साहित्य अकादेमीचे वतीन भारतीय भाशा मदल्या कोंकणी खातीर आशिल्लो रवीन्द्रनाथ टागोर “लिटरेचर अँवार्ड” 2012.