सानिया मिर्झा
.jpg)
सानिया मिर्झा भारताची सर्वोत्कृश्ठ बायल टेनिसपटू. एकेरी सामन्यात ती 27व्या वर्सा जाल्यार दोट्टी सामन्यांत ती 18व्या क्रमांकाचेर आशिल्ली. ग्रॅण्ड स्लॅम टॅनिस सर्तींत आपलें स्थान पक्कें करपी ती पयली भारतीय बायल. 2004 त आशियाई टॅनिस सर्तींत ती दुसऱ्या क्रमांकाचेर आशिल्ली. उपरांत तिणें ऑस्ट्रेलिया ओपन सर्तीच्या तिसरे फेरयेंत आपली उपस्थिती दाखयली, पूण दुर्दैवान तिका विश्वविजेती सेरेना विलियम्सा कडल्यान पराभव जालो.
सानिया मिर्झाचो,जल्म 15 नोव्हेंबर 1986 जालो. तिचे बापूय इमरान मिर्झा हे पत्रकार आसून खेळ जगांतल्या पत्रकारिता हें तांच्या आवडीचें क्षेत्र. आवय नसीमा ह्यो पारंपारीक धर्मीक वृत्तीच्यो. सानियान पिरायेच्या सव्या वर्सा सावन टॅनिस खेळपाक सुरवात केली.ताचो सराव तिच्या बापायच्या देखरेखी खाला जालो, आनी तांणी ताचो कोच Roger Anderson हाच्याकडल्यान मार्गदर्शन घेतलें. हैदराबाद शारांत, जंय तिचो राबितो आसा थंय स्थानीक पांवड्यार सानियान आपलो खेळ विकसीत केलो. 2003च्या विम्बल्डन सर्तींत ती ल्हान गटांत आसली.
2006क जाहीर केल्ल्या पद्मश्रीत एका नांवाची खूबच चर्चा जाली. तें नांव आशिल्लें भारतांतल्या टॅनिस खेळांतली निकतीच वयर आयिल्ली सानिया मिर्झा. त्या वेहार सानियाची पिराय 19 वर्सां परस ल्हान आशिल्ली. सगळ्या खबरांपत्रांचेर सानिया नांवाची चर्चा. भारतांतल्या टॅनिस जगांतलो इतिहास जालो. ११ डिसेंबर २००८ ह्या दिसाक चेन्नयतल्या Dr. M.G.R. Educational and Research Instituteकडल्यान Doctor of Letters ह्या मानद पदवीन भोवमानीत केलें.
सानियान आपल्या सर्वोत्कृश्ठ खेळाचें प्रदर्शन 2007 वर्सा केलें. त्या वर्सा यू. एस. ओपन सर्तींत ती आठव्या क्रमांकाचेर आशिल्ली.बँक ऑफ द वेस्ट क्लासिकच्या निमण्या सर्तींत तिणें स्थान मेळयिल्लें. आनी तातूंतलो दोट्टी सामनो शहार पीअरच्या जोडीन जिखिल्लो. आनी त्याच वेळार टीयर 1- एक्युराच्या क्वार्टर फायनलहीत आपलें स्थान घट्ट केलें. यूएस ओपन सर्तींत सानिया तिसरे फेरये मेरेन पावलें, पूण रशियाच्या अनान चकवेता दुजे कडल्यान पराभूत जाली. दोट्टी खेळ तिचो खूब बरो आशिल्लो. महेश भूपती वांगडा तिणें क्वार्टर फायनलीत प्रवेश केलो.
2008त तिणें विम्बल्डन सर्तींत स्पेनच्या मारिया जोस मार्तिनेज सांजेक बरोबर झुंज दिली. पूण थंय ती बरी खेळोंक शकली ना. त्या वेळार बिजिंग ऑलिम्पिकांतल्यानय भायर पडली, कारण मनगट मात्सो त्रास करतालो म्हणून. पूण ती सगळी उणीव तिणें 2009त भरून काडली. हें वर्स तिचे खातीर खूब बरें आसलें. ऑस्ट्रेलियेच्या ओपन सर्तींत महेश भुपतीच्या सांगातान तिणें मिक्स दोट्टी सर्तींत निमणे फेरयेंत फ्रान्साच्यो नताली डेजी आनी इस्रायलच्यो एडी रॅम हांकां हारोवन आपल्या आयुश्यांतल्या पयल्या ग्रॅण्डस्लॅम सर्तींत जैत मेळयलें.
सानिया आपले उद्दिश्ट आतां मेरेन वेवस्थीत सांबाळत आयला. अजून खूब कितें तिका करपाचें आसा आनी तितली क्षमता, प्रतिभा, आनी उर्जा तिचे मदी आसा. नव्या खेळगड्यांची ती नक्कीच आदर्श आनी अनुकरणीय आसा.
खेळपाची शैली
[बदल]मिर्झा ही एक आक्रमक बेसलाइनर आसून तिचो ग्राउंडस्टोकांच्या निखट्या वेगान बरे आक्रमण करचे खातीर
आत्मकथा
जुलय 2016 या वर्सा, मिर्झान आपली आत्मकथा Ace Against Odds नावाचेर प्रकाशित केली. ह्या पुस्तकान मिर्झाचो टॉपपर्यंतच्या प्रवासाचो वृत्तांत दिल्लो आसा. ह्या पुस्तकात मिर्झाच्या कोर्टाचेर आनी कोर्टा बाहरच्या काही संस्मरणीय घडामोडींचो उल्लेख आसा आनी तिच्या व्यक्तिमत्व आनी खेळाडू म्हूण जाल्या विकासाक हातभार लावपी अशा लोकां संबंधांचो उल्लेख केल्लो आसा.
पुरस्कार आनी मान्यताय
[बदल]अर्जुन पुरस्कार (2004)
डब्लूटीए वर्साचो नवोदित (2005)
पद्मश्री (2006)
खेल रत्न पुरस्कार (2015)
बीबीसीची 100 प्रेरणादायक अस्तुऱ्यांच्या वळेरेत आस्पाव (2015)
पद्म भूषण (2016)
वर्साचो प्रवासी भारतीय (2016)
पिंकविला स्टाइल आयकाँन पुरस्कार – सुपर ग्लॅम स्पोर्ट्स स्टार आँफ द ईयर (2023)
संदर्भ
[बदल]प्रतिभावंत भारतीय महिला आशाराणी व्होर मुलाखत: अनुपम खेर