हिराबई पेडणेकार

हिराबई पेडणेकार ही एक नामनेची नाटककार.

जल्म

हिराबई पेडणेकार हांजौ जल्म 22 नौव्हेंबर 1885 ह दिसा सावंतवाडी हांगा.

शिक्षण

मराठी सातवी मेरेन हिराबाईचें शिक्षण जालें. तिचें संगीत शिक्षण परशुरामपंत बर्वें, शंकरलाल धुळेकर, भास्कपबुवा बखले, नानासाहेब जोगळेकर ह्या नामनेच्या गायक नटांच्या हाताखाला जालें. तशेंच बडोध्धाच्या फैयाज खॉँ साहेब हाचे कडल्यानुच तिणें मराठी साहीत्य आनी संस्कृत तशेंच इंग्लिश विशयाचो अभ्यास केलो. नामनेचो नटककार गोविंदराव देवल हाच्या सांगाताक लागुन हिराबार्इक नाटयाभिरूची उत्पन्न जाली. पिरायेच्या 18-19 व्या वर्सा तिणें जयंदथ विडबंन बरयलें. 1904 वर्सा उजवाडाक आयिल्लें हें नाटक रंगमाचयेर मात आयलें ना. 1912 वर्सा हिराबईचें संगीत ‘दमीनी’ हें दुसरें नाटक उजवाडा आयलें. हें नाटक ललितकलादर्श नाटक मंडळीन रंगमाचयेर हाडलें. हिराबाई कडेन उपजतूच श्रेश्ठ दर्जाची कवित्वशत्त्क आशिल्ली. तिणें बरयल्ल्यो कविता ‘मनोरंजन’ ह्या प्रतिश्ठीत मासिकांत छापून आयल्यात.

वावर

हिराबई पेडणेकार ही एक नामनेची नाटककार. तिचो मूळ गांव पेडणें. हिराबाईच्या ल्हानपणांतूच तिची आवय शेवंतूबाई हिका मरण आयलें. तना सावन हिराबाईची मावशी भीमाबाई हिणें आपल्या म्हर्यांत व्हर्रन तिचो सांबाळ केलो.

मरण

ता. 18 ऑक्टोबर 1941 या दिसा पालशेत,गुहागर हांगासर तांका मरण आयलें.