Aitar

विकिपीडिया कडल्यान
हुपून वचात: दिशा-नियंत्रण, सोद


…. Page needs to be Edited.

Sunday is named after our Sun


Soptokachea sat varampoiki ek var. Hem utor ‘ adityovar ’ (adity = sury, var = dis) hea somskrit utravelean ailam. Haka moratthint ‘ rovivar ’ oxem mhonnttat. Ho suryopujek boro oxem manlam. Dhon-sompt'ti, sont'ti, bholaiki bori zaupak, dolleanche vikar axil'le ani zhuzant zoit melloupachi itsa dhorpi lok koslea na koslea prokaran hea disa sureachi upasona kortat. Vanjh bailo bhurgim zauchim mhunn hea disa suryourot kortat. Sureachi puza kortona oxttoul va xottkon heo akriti kaddttat. Aitarchea disa khoinchim kriteam kelear punnea melltta hevixincho brihojeotixosarantolo ek xlok oso-

rajeabhixekotsouyanoseva gouhhimontrouxodhoxstrokrm'।

suvrnnotamrournnikochrmokaxtthosfgramopnneadi rovovo vid'dheat।।

orth- rajeabhixek, utsou, bhomvddi, rajseva, godhnachi khoredi-vikri, hom', montropodex, vokhdam-yeuzonn ani xostrokria; bhangor, tambem, lokor, chamddem ani lankudd hanchi khoredi-vikri, zhuzak vochop him kormam aitara korchim.

Musloman lok dorek mhoineachea poilea aitara tontromontr kortat. Moxidichi nitllosann ani aidonam dhuvn dourop him kamam tea disa kortat. Grik ani romon lokamni survek soptokantolo ek dis upasonekhatir rakhun douropachem tharail'lem. Jezuchea punrut'thanacho dis zal'lean, tamnni aitar ho soptokacho poilo dis prarthonekhatir nixchit kelo.

Romon samrajeant aitarak ‘ sureacho dis ’ (son-dde) oxem mhonnttale. Punn kiristamv lokamni taka ‘ dhoneacho dis ’ hem namv dilem. Romon samrajeant kiristamv dhormachi thapnnuk zali, ten'na grik ani lettin uloupi lokamni ‘ dhoneacho dis ’ hench namv many kelem. Punn ut'torekoddole inglondd, sviddon, zormon he dex sonaton ponxache axil'lea karnnan tamnni ‘ son-dde ’ hem pornem namv chalu dourolem.

I. So. Dusrea ani tisrea xenkddeant aitara igrjint zomop itlich khasa kareavoll astali. Kallantoran baibol vachop, prouchon, prarthona hea gozalincho tatunt aspavo zaupak laglo. Aitar mhollear ‘ povitr dis ’ zalo. Punn jyu lokanchea sobbathaporosuy romon lokanchea utsovasaroko to dis pallpachi vrit'ti kiristamv lokant axil'li. Tea disa disoptt'ttem kam' chalu dourop ani devachi prarthona, unchele vichar, ginean melloup hatunt vell sarcho oxi tanchi podhdot axil'li. Lhou-lhou aitar mhollear ‘ visou gheupacho dis ’ (sobbath) oxi kolpona ruddh zali. Aitara sutti aschi oxem mot tayar zalem. Taka lagun i. So. 321 vorsa kamsttonttain badxohan hukum' kaddun aitar ho bhouxik suttyecho dis oxem zahir kelem.1957-59 vorsa inglonddant zonn eklea kiristamvan aieara disa igrjint vochunkoch zai oxi kaideachi sokti axil'li. Punn 1846 vorsa ho kaido rod'd zalo.

Gõyant toxench her bhartant aitar ho suttyecho dis asta. Tea disa dukanam, postt kochereo, bonk, kortt-kochereo ani her karealoyam, xalla kolezam adi bond astat. Kiristamv dhormi-i tea disa igrjint misak votat. Kiristamv dhormant aitara kosloch dhondo va vaur korunk zaina oso somoz asa.

Polleiat[बदल]

Sunday

ह्या विषयावयर देवनागारींत बरयिल्लें पान वाच : आयतार
"https://gom.wikipedia.org/w/index.php?title=Aitar&oldid=163122" चे कडल्यान परतून मेळयलें