Akrutt

विकिपीडिया कडल्यान
हुपून वचात: दिशा-नियंत्रण, सोद


…. Page needs to be Edited.

Walnut shell inside its green husk

okrodd (moratthi – okrodd, hindi – okhrott, gujrati – okhott, somskrit – okxott, inglix – volnott, lettin – zuglams rejia, kull - zuglenddesi)

ho vhodd panzhoddi, vasal ani ektrolingi rukh. Ho rukh mullcho irann dexantolo. Sodea ut'tor bhartant, dokxinn yurop, liria ani omerika hea vattharamni okroddachi lagoudd kortat. Bhartant ho rukh himaloi ani asam' hangachea vattharant dixtti poddtta. Kaxmir, himachol prodex, ponzab ani ut'tor prodes hea vattharamni hea rukhachi vhodd promannant lagoudd kortat.

Tachi unchai 24-30 mi. Ani kanddacho gher 3-4 mi. Asta. Sal gobri ani tacher khanchi astat. Panam eka fattlean ek, eksongh vixmodoli ani pichchhakriti (pannate), 15 – 38 sem'mi. Lambayechi astat. Tallyechem tengxer lhan ani poptti rongachim fulam yetat. Lamb ani humkollopi barik konnsancher pum- puxp yetat. Techpori samkea tonka velea tallyeche tengxer 1-3 stri- purux yetat. Foll pachvem, lambxem ani vattkullem (perayedem) asta. Follant bhitor bi asta. Follachi bhaili sal datt ani ghott'tt asta. Tachem bhitl'lem kouch ghott'tt mireo poddil'lem ani don dampnni oxil'lem asta. Hea koucha bhitor char khondd axil'li khaupachi bi asta. Dhapeo datt ani vankddeo – tikddeo astat. Bhougalik prosar ani dhapeanchi lokxonnam hanchevelean okroddanche vingodd vingodd prokar tharail'le astat. Tatunt kagdi prokarachea follak boreantolem borem foll mantat.

Hea rukhak gallachi, khol zomin ani sumar 75 sem'mi. Paus lagta. Oti uxnn ani oti thondd hovaman axil'lea vattharant okroddachem pik zaina. Lagouddi uprant 8-10 vorsamni hea rukhak follam zatat. Sopttembor – ekttobor mhoineant folam piktat. Sumar 100 vorsa meren hea rukhak follam lagtat. Okroddachi bi ruchik bori lagta. Godd khannant ani aiskrimant hi bi ghaltat. Torऩea follam posun lonnchim, murambe, chottnni ani sorbot kortat. Pachve salichea telant ork kaddun tatunt foddki ghalun kemsank laupacho kolop toyar kortat. Okroddachim panam puxttik, akunchon korpi ani zontuncho nax korpi asat. Zhaddachi sal ani panam pulleo, gonddmalla, updonx (syphillis), isob(eczema), hancher upegi poddtta. Foll sondhivatacher ani bianchem teml pott'ttokrimi (tapeworm) cher ditat. Molaya hea vattharant kollo ani omanx hancher biantlea gorancho upeg kortat. Bianchem tel khaupak vaprotat. Techpori chitrokarache rong, varnix, xabu hatunt tacho upeg kortat. Tachem lankudd sadaronn ghott'tt ani zodd asta.

Polleiat[बदल]

Walnut

ह्या विषयावयर देवनागारींत बरयिल्लें पान वाच : अक्रोड
"https://gom.wikipedia.org/w/index.php?title=Akrutt&oldid=163135" चे कडल्यान परतून मेळयलें