Amir Khusrow

विकिपीडिया कडल्यान
हुपून वचात: दिशा-नियंत्रण, सोद

Amir Khusrow[बदल]

ह्या विषयावयर देवनागारींत बरयिल्लें पान वाच : अमीर खुसरौ


… need to be edited.

Amir Khusrau teaching his disciples; miniature from a manuscript of Majlis al-Ushshaq by Husayn Bayqarah
The Nizamuddin Dargah, with Khusrau's tomb on the left

Amir Khusrow[बदल]

Amir Khusrovh (zolm 1253; moronn 1325).

Farsi bhaxentolo namnecho bharti-i kovi, vidvan ani songitokar. Tachem purai namv obul-hoson yominonud'din omir khusrovo dehlovi. Tacho zolm' etta jilheantlea (ut'tor prodex) pottiali gamvant zalo. Tacho bapuy omir soifud'din mohmud ho turkostanantolo sordar axil'lo. To oltomoxoche mustint bhartant yeun sthayik zalo. Tachi auy bharti-i axil'li. To dha vorsacho astonach tacho bapuy bhair poddlo. Tachea ajean (auycho bapuy) ani auyn taka vaddoilo. Lhan astonach to nizamud'din oulia hea sotpuruxacho onuyayi zalo. Tachevixim khusrouk khub ador ani mog axil'lo.

Tannem lhan astonach kovita borounk survat keli toxench farsi, orbi, turki ani hindi hea bhaxancho obheas kelo. Dil'lichea rajdorobarant rajkovi mhunn tannem khub vorsam kam' kelem. Koikubad hea sultanan taka ‘molik-ux-xuora’ mhollear ‘kovismratt’ oxi podvi dili.Igannantole farsi vidvan tacho ‘tuti-e-hind’ (bhartacho popott) mhunn gourou kortale. Tachi kauy nirmonni khub unch pamvddeachi zaun asa. To farsi bhaxentolo namnecho kovi axil'loch te bhair bhaxaxastrogone, songitokar, guddhvadi ani oxttotasancho vidvan osi tannem kirt melloili.

Hindustani songitachea mollar tannem moladik vaur kelo ani tem chodd somridhd kelem. Kaim nove rag ani mixr rag toyar korun te lokam'modim pauylem. Dekhik- yomon, koleann, kafi, bohor, jhilof, sanjgiri, mojir, forgon, sormodi adi. Sotar hem vady lokam'modim pavoupachem xrey takach vota. Kovali pod'dotichi gaiki khursoin poilim sodun kaddli oxem mhonnttat. Pokhvazaposun toblem ani ddoggo oxe don bhag korun tachem ek novem vady tannem toyar kelem ani procharant haddlem. Taka songitotgoneamni ‘naik’ oxi bhoumanachi podvi dil'li.

Farsintlea namnechea kovim'modim tachi gonn'na zata. Tachea kaveant sokhol onubhuti, kolponaxkt ani khas korun bharti-i upma ani olonkar hancho aspavo asa. Tannem gody kauy legit boroilam. Tatunt tachi svotontr xoili disun yeta. Bhartavixim taka upatt mog axil'lo. ‘nuh sipihor’ hea tachea gronthant tannem bhartachem ginean ani somskritai hancho bhoumanan ul'lekh kela.

Tachi gronth nirmonni oxiH panch kovitam jhele (divan): 1.Tuhfotul-sigor (1272) 2.Vostul hoyat(1285) 3. Gurrotul-komal (1294) 4. Bokiya-e-nokiya (1316) ani 5. Nihaitul- komal (1324). Panch itihasik khonddkaveam (tarikhi mosnoviam) – 1. Kiranus-soden (1289) 2. Miftahul-futuh (1291) 3. Khijror kham doul rani(1316) 4. Nuh sipihor (1318) ani 5. Tugsok nama(1324). Him khonddkaveam razanchem ani sultanachem tustecher adaril'lim asat.

Irannocho namnecho farsi kovi nizami-e-gonjvi (sumar 1141-1203) hannem ‘khomsa’ mhollear panch mosnoviam boroileat, tacho adrx fuddem dourun khusroun 1298 te 301 hea kallant panch mosnoviam boroileo. 1.Motolo u’lo onvar 2. Xiri khusrovo 3. Mojnum loila 4. Aina-i-sikondori ani 5. Hoxt-bihixt. Tin gody gronthH 1. Khozainu,lo futuh (ol'la- ud'din khiljichea kallcho itihas) 2. Iozaje khusrovi (sfutt lekhancho jhelo) 3. Ofzolu’ lo fovaid (nizamud'din oulia hachea vochnancho ani updexamocho jhelo).

Zovahore khusrovi hea namvacho ek kauyojhelo asun tatunt tache dohe,git, poheliam (kuttkauy) ani farsi-hindi bhorosl'lim kaim podam hancho aspavo asa. Tannem hindi bhaxentuy borich gronth rochnnuk kelea oxem mhonnttat. ‘khalik bari’ namvacho tacho hindi godyogronth namvajil'lo asa.

Polleiat[बदल]

Amir_Khusrow

"https://gom.wikipedia.org/w/index.php?title=Amir_Khusrow&oldid=166360" चे कडल्यान परतून मेळयलें