Amoeba

विकिपीडिया कडल्यान
 
Romi
   
Chaos carolinense

Amoeba (vorgh rhaizhopoddo, songh prottozhoa.)[बदल]

omibachea xorirokochi rochnnuk sadi asun ticho akar tharavik asna. To ek sarko bodlot asta. Tachem xorir ekach pexinchem va koxikechem ghoddil'lem asun patoll ani louchik jiudrouy kol'lant(plasmalemma) dhampil'lem asta. Hea kol'lea bhitor jiudrouy (protoplasm) asta. Tachea bhair axil'lea nitoll thorak bohirdrouy (ectoplasm) ani uril'lea patoll punn konnamni bhoril'lea bhagak ontodrorvy (endoplasm) mhonnttat. Ontodrorveant axil'lem vattkullem kendr xorirantlea cholnoulonacher niyontronn dourota. Heach bhagant ek va chodd lhan-vhodd zaupi burak (compression lacuna) astat. Xorira bhitl'lo dab niyontrit korop ani drouyorup podarth kaim promannant xorirachea bhair uddoup him tanchim mukhel kaream. Khar ani godd udok, domott zomin oxa vatauronnant omibachi vosti asta. Omiba vonxacheo zaiteo zati asat. Kaim zati monxachea sorvosadaronn nodrek dixtti poddnatoi. Kaim zati sadea dolleank distat. ‘omiba prottios’ hi zat choddxi soglle kodden dista. Omiba eka tharavik akaroyedo zatkoch tache don kuddke zaun tanchi projnon kria suru zata. Hea xorirant don kuddke zaun tache don veglle pranni zatat. Barik sukxmozontu, ddayattom' ani zoiv podarthanche konn hi omibachi khaudd zaun asa. Aplea xorirantlean bhair soril'lea bottauri faguramni (Process Pseudopodium) apli khaudd oddun ti aplea jiudroveant gheta. Khauddichea bhomvtonni udkacho lhanso thor asta. Haka on'n-riktika futtun mol va ghann bhair uddoita. Faguracho upeg cholpa khatiroi zata. Omiba jea udkant rauta, tatunt virgollil'lo eksizon, visronnan (diffusion) jiudrouy kol'lantlean xorirant vota ani tatunt utpon'n zaupi karbon ddai-eksaitt bhair poddtta. Choyapochoyak lagun (xorirant sotot zaupi bhoutik ani rosainik ghoddnnukank lagun) utpon'n zaupi yuriavori nirupoyogi podarth jiudrouyokolantlean bhair votat.

Rogh[बदल]

omibacheo zaiteo zati vingodd vingodd pranneachea on'nomargant porjivi astat. Tatuntleo kaim rogacho prosar kortat. Enttamiba histtolittik hea projivachea (protozoa) somprkan vhoddlea antokddeanchea ani bhitorlea indrianchea xothak(dahyukt sujik) ‘omibajny vikar’ mhonnttat.

Chikitsah[बदल]

emettin, ddai-oyoddokvin, somol klorokvin him vokhdam omibachea rogacher gunnkari astat. Protizoiv vokhdam'modim ‘tteramaisin’ mhotvachem asta. Omibacheo xvoson ani utsorzon kria sogllea prixtthavelean (sheet plane) zatat, kotthinn poristhitint eka podarthachea strounnan aplea xorira bhomvtonni somrkxok putti nirmann korun onukul poristhitint omiba tatuntlean bhair sorta.


Polleiat[बदल]

Amoeba

Chitr Prodorxonn[बदल]

Foraminifera have reticulose (net-like) pseudopods
Amoeba phagocytosis
Neutrophil (white blood cell) engulfing anthrax bacteria
The first illustration of an amoeboid, from Roesel von Rosenhof's Insecten-Belustigung (1755).

Sondorbh[बदल]

"https://gom.wikipedia.org/w/index.php?title=Amoeba&oldid=198992" चे कडल्यान परतून मेळयलें