Amritsar

विकिपीडिया कडल्यान
हुपून वचात: दिशा-नियंत्रण, सोद

…. Page needs to be Edited.

Golden Temple India, Night view of the Harmandir Sahib

Ponzab rajeantolem namnechem sundor xar ani xikhachem povitr dhormostholl. Bias (veas) nhoinche deger hem xar voslam. Loksonkhea 5,89,229 (1981).Xikham khatir ek devull toyar korchem oxem xikancho choutho guru ramdas haka dislem, dekhun 1577 vorsa tannem okbora koddsun ho zago vikto ghetlo. Sogllea adim tannem tolli khonnli ani taka omritosorour oxem namv dilem. Hea namva velean ek akheayika asa ti oxiH oyodhyecho raza ram' hannem oxvomedh yogone korpachem tharaun zoitacho ghoddo soddlo. Lou ani kux hamnni to addailo. Ghoddea khatir ram', lokxmonn, bhorot, xotrughn ani lou ani kux hanche modim zhuz zalem. Tatunt ram' ani tachea her bhavank lou ani kusan bexudhd kele. Uprant tankam sabud'dir haddpak svorgantlean omrit haddle. Tea omritan tamnni tea chougam-i bhavank sabud'dir haddle. Ani uril'lem omrit thoinch purlem. Heach zagear guru ramdasan tolli khonnli oxem sangtat. Hem tollem 475 futt lamb asa ani tache chomyvxin songmorouri fatrancho ghatt bandla. Hea tolleachea modim xikhanchem povitr tholl asa. Guru ramdas haka mornn yetkoch tacho put ani xikhancho panchvo guru orzunodevo hannem tolleachea modim devull bandle. Fuddem hem tholl xikh lokanchem sot'takendr zalem.

Moglamni hea xaracho nax korpacho khub yotn kelo. 1761 to ohmodoxoha durranin sogllea omritosor xaracho vidhvoms kelo. Punn raza ronnjitosing hache razouttint hea xarachi girestokai khub vaddli. Heach kallant xikhanchea deullacho kollos bhangracho kelo ani taka suvrnnomondir hem namv dilem. Uprant brittixanchea kalkhonddant hem xar vepari samskritik ani brittix virodhi cholloullichem kendr axil'lem. Suvrnnomondirachea lagsaruch itihasik namna mellil'li zaliynovala bag asa. Hem bagent 13 epril 1919 hea disa brittix odhikari zonrol ddair hannem, bhoril'le sobhecher farpett kel'lo. Hatunt sumar dedd hozar lokank moronn ayil'lem. 1947tolea bharot-pakistan fallnne vellar ximevelem xar mhunn omritosorak khub mhotv mellil'lem. 1965 to zal'lea bharot-pakistanachea zhuza vellar hem xar ek mhotvachem kendr axil'lem. Hea vellar hea xarak khub luksann somschem poddlem.

Hea xarant suti, rexmi ani gorom' kopddeacheo girnni asat. Vonspoti tup, vokhdam, pitllechim aidonam, vijechim upkoronnam, rosainam, dudache podarth korpache ani her karkhane hanga asat. Zomkhonam ani ‘poxmina’ xalim khatir hea xarak khub namv mell'llam. Hangachea bazaropettent bhortokamache ani logdakamache zaite nomune pollounk mellttat. 1893 vorsa thapnnuk zal'lem khalsa kolez hanga asa. Hea xarant vimanotolluy asa.

Hea xarant xikhanchi sumar 12 guruvdara asat. Tatuntolem suvrnnomondir hem tanchem mukhel gurudvara. Suvrnnomondirak dorbar mondir va hori mondir oxem-i mhonnttat. Omritosor, sontoxosor,raisor, vivekosor ani komllosor (koulsor) osim panch tirtham hanga asat. He bhair zaliynovala bagentoli svotontr jeot, baba ottrayacho monoro, durgamondir , rambag, koisrobag,govindogoddh adi tholam polloupa sarkim asat. Xikhanchea char tokhtantolo ‘okal tokht sahbi’ ho tokht (motth) omritosoroh xarant asa.

Chitr Prodorxonn[बदल]

Polleiat[बदल]

Amritsar

ह्या विषयावयर देवनागारींत बरयिल्लें पान वाच : अमृतसर
"https://gom.wikipedia.org/w/index.php?title=Amritsar&oldid=169548" चे कडल्यान परतून मेळयलें